JUIG! Nuus

Emseni Farming is aangewys as die wenner in die kategorie vir Landbou en Landbou- verwerking tydens die onlangse 2026 KZN Top Besigheidstoekenning. Hiermee word nie net hul uitnemendheid in landbouproduksie en -verwerking erken nie, maar ook hultoewyding aan mense, gemeenskapsontwikkeling, voedselsekerheid en volhoubare groei. Die toekenning word jaarliks aangebied in samewerking met Standard bank, die Women of Africa Group, met East Coast Radio as ‘n mediavernnoot.

Twee van Suid-Afrika se geliefde sangers, Adam Tas en Liezel Pieters, het kragte saamgesnoer vir die vrystelling van ’n nuwe gedenklied wat die geskiedenis en toekoms van Die Voortrekkers vier...

Take the Nations het onlangs ’n vyf dae lange Jesus-kruistog in Chipata, Zambië, aangebied waartydens duisende mense saamgekom het om die Evangelie van Jesus Christus te hoor. Volgens die bediening het die bywoning elke aand toegeneem totdat die veld op die laaste aand propvol was...

Die veelbelowende kunstenaar Ilán van Staden en die gevestigde aanbiddingsleier Retief Burger kondig met trots hul nuutste samewerking aan. Die liedjie is ’n energieke geestelike lied wat luisteraars uitnooi om alle vrese neer te lê en bloot die grootheid van God te besing. Dit is ’n Boodskap van Krag en Oorwinning. Dit tref ’n kragtige balans tussen moderne passie en diepgegronde geloof...

Die afgelope naweek het duisende jong Suid-Afrikaners by ’n stampvol SuperSport Park-stadion vir Youth Fest 2026 bymekaargekom. Terwyl ek voor ’n see van energieke, passievolle en afwagtende jongmense gestaan het, kon ek nie anders as om te dink aan hoe dikwels ons nasionale gesprek oor die jeug deur statistieke, uitdagings en krisisse oorheers word nie. Ons hoor van werkloosheid, misdaad, dwelmmisbruik, geslagsgebaseerde geweld, geestesgesondheidsuitdagings, tekortkominge in die onderwys en ’n groeiende gevoel van hopeloosheid onder baie jongmense...

’n Geoktrooieerde vlug met 130 Joodse gesinne aan boord het onlangs om 12:30 uit Parys vertrek en was onderweg na Tel Aviv. Die vlug, wat deur die International Christian Embassy Jerusalem (ICEJ) geborg is, is die jongste hoofstuk in ’n merkwaardige 16 jaar lange vennootskap met die Joodse Agentskap vir Israel...

Daar was ’n tyd toe jy, wanneer jy die huis verlaat het, slegs ’n spoor agtergelaat het as iemand jou toevallig gesien het. Vandag kan jy, sonder om ooit aan jou foon te raak, ’n teksboodskap te stuur of ’n oproep te maak, reeds jou ligging aan tientalle nabygeleë sensors uitsaai...

Meer as 6,000 jongmense het die eerste van die KwaSizabantu Jeugkonferensies vir 2026 in KwaZulu-Natal bygewoon wat van 30 Junie tot 5 Julie op die sendingstasie gehou is. Die konferensie word tweemaal per jaar tydens die lang skoolvakansies aangebied vir 7 dae van aanbidding, onderrig, gemeenskap en besinning. Vanjaar se tema, “Lei jou hart”, het direk aangesluit by die keuses en druk waarmee jongmense vandag te kampe het. Baie van die jongmense het weer die konferensie bygewoon nadat hulle ook vorige jare daar was...

“Ek weet nie presies wat volgende vir my voorlê nie, maar wat ek wel weet, is dat Jesus Christus my lewe gered het en ek kan daardie werklikheid nie meer ignoreer nie.” ...

Miljoene mense, insluitend Christene, worstel met depressie. Depressie kan manifesteer as hartseer, min energie, frustrasie, ’n doodse gevoel en langdurige neerslagtigheid. Dit is ’n ingewikkelde toestand met baie fasette. Om depressief te wees is nie op sigself sonde nie en depressie word ook nie altyd deur sonde veroorsaak nie. Dit beteken ook nie noodwendig dat iemand ’n gebrek aan geloof het nie. Wanneer depressie toeslaan, behoort dit ’n prioriteit te wees om die oorsaak daarvan te identifiseer en die regte behandeling te vind...

Ek wil nie hierdie artikel skryf nie. Ek wil nie my dag spandeer deur my pad te baan deur die afgryse nie. Wie sou? En tog is ek hier. Hoekom? As gevolg van dit wat ek onlangs in ʼn Bybelstudiegroep in Suid-Afrika uitgevind het. Ons was onlangs op ʼn spreektoer in Gauteng, en het die aand spandeer saam met wonderlike mense wat lief is vir die God van Israel, die Bybel en die mense van Israel. Ek het doelbewus nie in te veel detail ingegaan oor die gebeure van 7 Oktober 2023 nie. Ek het aangeneem hulle weet. Ek het aangeneem almal weet...

Die Karoo Donkey Sanctuary vier ’n reeks buitengewone reddings- en rehabilitasieverhale wat die merkwaardige veerkragtigheid wys van diere wat ’n tweede kans kry, asook die lewensveranderende impak wat deur openbare ondersteuning moontlik gemaak word...

Die 2026 FIFA Wêreldbeker het ’n platform geword vir Bybelgenootskappe en Christelike bedieninge regoor Noord-Amerika om Skrifhulpbronne te versprei, gebedsinisiatiewe te organiseer, en aanhangers met die Christelike boodskap te bereik...

Ongeveer 60 000 Christene het in Nederland vir ’n vierdaagse Pinksterviering bymekaargekom. Dit het die aandag gevestig op wat baie gelowiges beskryf as ’n vars beweging van God in een van Europa se mees sekulêre nasies...

Suid-Afrika en die grootste deel van die wêreld het op Sondag 21 Junie Vadersdag gevier om die belangrike en onmisbare rol van mans as vaders te erken en te eer. Die eienskappe van ware vaderskap is gegrond in die liefde, sorg, dissipline en leiding van God ons Vader...

’n Rooi verskalfie wat onlangs in Israel gebore is, het weer die aandag van Jode, Christene, en Bybelse profesie-waarnemers regoor die wêreld getrek. Die kalfie, met die naam Temimah – ’n Hebreeuse woord wat “volmaak” of “sonder gebrek” beteken – is op ’n melkplaas in Galilea gebore en het na bewering ’n merkwaardig egalige rooi pels gehad...

Vir meer as vyf dekades verkondig Christ for all Nations die Evangelie met buitengewone impak oor die hele Afrika en wêreldwyd. Sedert hulle in 1987 begin tel het, het hulle reeds meer as 100 miljoen gedokumenteerde besluite vir Jesus gesien. Volgens CfaN-president Daniel Kolenda lê die grootste oes egter steeds voor. “Wat ek glo die Here vir my gewys het, is dat hierdie volgende seisoen nóg groter gaan wees as alles wat ons tot dusver beleef het,” sê Kolenda. “Ons gaan letterlik die oes in die volgende dekade verdubbel.”

Mia Muis soos haar mamma haar noem, het haar boeke elke oggend versigtig in ’n dun plastieksakkie gesit. Sy het geweet sy moet stadig loop skool toe want as die sakkie skeur val alles uit. Party dae het dit gebeur, dan moes sy haar werk uit die stof optel, haar hande afvee en maak of dit haar nie pla nie. Sy het nie altyd haar huiswerk klaar gekry nie, nie omdat sy nie wou nie, maar omdat sy saans honger gaan slaap het. ’n Mens dink nie maklik helder wanneer jou magie leeg is nie...

Pretoria se Eduplex-skool is erken as een van slegs 27 organisasies wêreldwyd en een van slegs twee skole in Suid-Afrika wat as begunstigde van die gesogte FIFA Global Citizen Education Fund benoem is...

Met Hemelvaartdag en Pinkster pas agter die rug, keer my hart telkens terug na ’n baie spesiale oomblik tydens ons onlangse JOY! Travel-toer na Israel. Om 42 mense deur die Heilige Land te lei is altyd ’n voorreg, maar hierdie keer het anders gevoel. As gevolg van die oorlog was daar byna geen ander groepe nie en dit het vir ons ’n seldsame geskenk gegee … tyd. Of meer spesifiek, tyd in die bovertrek...

In die Bybel word God beskryf as ons Hemelse Vader, Abba. Menslike vaders moet Hom navolg. Vaderskap vra baie vaardighede. Een manier om daaraan te dink, is in terme van dele van die liggaam. Vaders het die volgende nodig:In die Bybel word God beskryf as ons Hemelse Vader, Abba. Menslike vaders moet Hom navolg...

In elke gemeenskap, elke skool en elke huis sien ons die tasbare effek van vaderskap. Ons hoef nie ver te kyk om dit raak te sien nie. Waar vaders teenwoordig is, hetsy as biologiese pa’s, leiers of geestelike vaders, floreer mense. Waar hulle afwesig is, ontstaan daar dikwels gebrokenheid. Kan ons vandag net weer besef dat God Homself deur Jesus as ’n liefdevolle Vader aan ons openbaar het? Jesus se primêre openbaring van God is nie as ’n heerser of regter nie, maar as Vader: “Niemand het God ooit gesien nie. Sy enigste Seun, self God, wat die naaste aan die Vader is, dié het Hom bekend gemaak” (Joh 1:18)...

Die viering van FEBA Radio SA se 30ste bestaansjaar val vanjaar saam met die viering van die internasionale FEBC-moederorganisasie se 80ste. Die eerste van twee verjaardagsvieringe vir FEBA se ondersteuners het Saterdag 30 Mei in Pretoria by die NG-gemeente Lynnwood plaasgevind. Sowat 180 gaste het hierdie heuglike gebeurtenis bygewoon saam met FEBA se Raadslede, personeel en drie direkteure van Afrika-lande se radiostasies...

Civil Society South Africa (CSSA) het vandag 'n ope brief aan die Waarnemende Minister van Polisie, die Parlement, die Burgerlike Sekretariaat vir die Polisiediens en die Portefeuljekomitee oor Polisie gepubliseer waarin die organisasie vra dat die bepalings van die Wysigingswetsontwerp op Vuurwapenbeheer wat selfverdediging as wettige rede vir vuurwapenbesit wil verwyder, teruggetrek word...

Die South African Friends of Israel (SAFI) en International Christian Embassy of Israel (ICEJ) sal hierdie naweek die grootste Suid-Afrikaanse afvaardiging van Christelike geloofsleiers nóg lei om die Jerusalem Summit by te woon. Dit is ’n belangrike internasionale byeenkoms wat daarop fokus om die wêreldwye toename in antisemitisme teen te werk en Bybelse geletterdheid oor Israel en die Joodse volk te versterk...

Na die suksesvolle bekendstelling van die eerste Sis’ters Vrouekonferensie verlede jaar, keer dié geliefde byeenkoms op 9 Augustus 2026 terug na die Artscape Operahuis in Kaapstad – en die reaksie is reeds oorweldigend. Kaartjies is byna uitverkoop en vroue reis van regoor die Wes-Kaap en Suid-Afrika om die geleentheid by te woon...

Civil Society South Africa (CSSA) spreek sy ernstige kommer uit oor berigte dat byna 28 000 parooloortreders tans nie deur die Departement van Korrektiewe Dienste opgespoor kan word nie...

Deur seisoene van swakheid, lyding en onsekerheid het ds Tinus Roux ’n dieper begrip van God se genade en onwankelbare liefde ontdek. Keer op keer het hy God se genesing, krag en getrouheid beleef, selfs in die donkerste oomblikke van sy lewe. Sy debuutenkelsnit, Love Me Through the Storm, is uit hierdie reis gebore...

Terwyl Israel onlangs die Shavuot-fees gevier het, het 27 nuwe Ethiopiese Joodse immigrante by Ben-Gurion-lughawe geland. Onder hulle was ’n 92-jarige oupa wat ’n leeftyd lank gewag het om die Beloofde Land te bereik...

Die toenemende debat oor die onafhanklikheid van kerke en die staat se rol in geloofsgemeenskappe sal onder die loep kom tydens Solidariteit Helpende Hand se jaarlikse Helpende Kerke Kongres op 12 Junie in Pretoria...

Suid-Afrika se Nasionale Veiligheidstrategie 2024-2028 (NVS) bevat ’n gedeelte wat noukeurige aandag verdien. Op bladsy 18 verskyn die frase “mushrooming of charismatic churches” in ’n lys van nasionale veiligheidsbedreigings, saam met gewelddadige ekstremisme, kuberveiligheidsbedreigings, afpersing, korrupsie, georganiseerde misdaad, mensehandel en geslagsgebaseerde geweld...

Van komberse in Colesberg en sopkombuise in die Wes-Kaap tot bingo-oggende vir bejaardes in Limpopo en kinders wat leer om hul broodjies met maatjies te deel in die Vaaldriehoek...

Pas nadat ons in 2016 getroud is (ek was 28 en my man 32), het ons begin probeer vir ’n babatjie. As ek nou terugkyk oor die afgelope dekade, besef ek oor hoeveel hekke ons moes spring. In die storm leef jy net in oorlewingsmodus – dit was ons realiteit vir jare...

Daar was ’n tyd toe mense voortdurend blootgestel is aan ’n eensydige beeld van God as ’n kwaai Godheid wat gereed staan om mense in die vure van die hel te werp. Mense het gekla oor te veel “hel-en-verdoemenis”-prediking...

Hoop. Ons hoor hierdie woord so dikwels, maar te midde van ’n stroom nuus wat baie mense angstig maak, skuif ons dit maklik na die agtergrond van ons gedagtes en harte, en laat ons vrees oorneem. Maar met Jesus is daar altyd Goeie Nuus...

Evangelis Reini Coetzee het nóg ’n betekenisvolle mylpaal in sy 10 000 km-Crosswalk Africa-reis bereik toe hy sy houtkruis by die Dedza-grenspos van Mosambiek af Malawi binnestoot. Sedert hy op 16 Maart verlede jaar sy tog van Kaapstad na Jerusalem aangepak het, het hy en die kruis reeds meer as 3 000 km deur Suid-Afrika, Zimbabwe en Mosambiek afgelê...

Ek is baie bemoedig deur ’n fassinerende reeks oor die “Woord en die Gees” wat die belangrike rol ondersoek wat Martyn Lloyd-Jones in hierdie debat gespeel het. Dit is deur Evangelicals Now gepubliseer en vorm deel van ’n doktorale proefskrif deur die Australiese predikant Adam Ramsay...

Toe NASA die Artemis II-sending geloods het, het die wêreld met verwagting toegekyk. Dit was die eerste bemande reis om die maan in meer as 50 jaar – ’n historiese stap in die mensdom se terugkeer na die diep ruimte. Die sending self was tegnies, presies en jare lank beplan...

God het ons nie geroep om Hom in isolasie te volg nie. Van die begin af het sy ontwerp nog altyd gemeenskap, verhouding en ’n plek om te behoort ingesluit. Die Kerk is nie bloot ’n gebou wat ons een keer ’n week besoek nie. Dit is die liggaam van Christus, saamgestel uit gelowiges wat mekaar nodig het...

Dit is geen geheim dat baie Suid-Afrikaners moeg is nie. Die teleurstellings was werklik. Beloftes is gemaak en verbreek, gemeenskappe wag steeds vir water en elektrisiteit en ’n generasie jong mense wonder of daar enigsins ’n toekoms vir hulle is. As jy hierdie frustrasie ervaar het, is jy nie alleen nie...

Waar welstand fokus op wat ons doen – sorg, beskerming en ondersteuning – fokus werksyn op hoe ons dit doen. Dit vra dat ons ons gawes, tyd en kundigheid doelbewus in diens van ander stel. Werk word nie net ’n taak nie, maar deel van ons menswees. Om by te dra en te dien is deel van ons bestaansrede...

Onlangs het ’n giftige onkruid onder gelowiges wortel geskiet. Dit word vermom as besorgdheid oor die onderdruktes, maar diep binne-in is dit verstrengel met ’n ou, gevaarlike dwaalleer wat vervangingsteologie genoem word...

Hou die ou gesegde “so goed soos goud” vandag nog stand? Om hierdie vraag te beantwoord is dit wys om terug te gaan na die heel eerste vermelding van goud in die mens se beskawing. Weet jy waar goud die eerste keer in die Bybel genoem word?...

In Junie 2021 het die Amerikaanse Pentagon ’n verslag vrygestel oor voorheen geklassifiseerde waarnemings en video’s deur vegvlieëniers van vreemede vlieënde voorwerpe (VVV’s). Die verslag verwys na hierdie waarnemings as ongeïdentifiseerde lugverskynsels. Ten minste 140 waarnemings toon dat hierdie verskynsels werklik is, maar steeds onverklaarbaar bly...

Veertig dae ná sy opstanding is Jesus voor die oë van sy dissipels opgeneem en ’n wolk het Hom buite hulle sig weggeneem (Hand 1:9). Dit is ’n gebeurtenis waarvan baie gelowiges bewus is, maar wat hulle nie altyd diep oordink nie. Tog is die hemelvaart nie maar net ’n klein detail in die Evangelieverhaal nie. Dit is ’n magtige verklaring dat Christus wat opgestaan het uit die dood nou in heerlikheid regeer...

In ’n belangrike regsontwikkeling het die Keniaanse appèlhof ’n vorige uitspraak van die hooggeregshof omvergewerp wat aborsie as ’n fundamentele grondwetlike reg bevestig het...

Ons daar om vir David Scott te ondersteun, die man agter die “Kiff”-persona – dieselfde man wat ’n maand tevore vir JUIG! Tydskrif op sosiale media standpunt ingeneem het toe ons teenstand ervaar het omdat ons vir Bybelse waardes opgestaan het. Ná die voorval het ek vir David gekontak omdat ek graag meer van sy storie wou hoor. Ons gesprek het my diep geraak en ek hoop jy geniet hierdie besonderse onderhoud...

Moeilike tye kom oor almal se pad. Dit is ’n fout om te dink dat Christene moeilike tye sal vryspring. Die Bybel waarsku ons juis dat beproewings deel van die gelowige se lewe is: “Geliefdes, verbaas julle nie oor die vuurgloed van vervolging onder julle wat tot julle beproewing dien, asof iets vreemds oor julle kom nie” (1 Pet 4:12)...

Die bedieningsorganisasie Geopende Deure Afrika hou sy jaarlikse byeenkoms om Vervolgingsondag te herdenk op 31 Mei 2026. Dié byeenkoms is daarop gemik om kerke en ander Christelike organisasies betrokke te kry om bewustheid oor die benarde situasie van vervolgde Christene te skep...

Madrid se Riyadh Air Metropolitano-stadion het Saterdag 2 Mei die The Change Madrid 2026-byeenkoms aangebied – ’n massiewe evangeliese Christelike geleentheid wat sowat 35 000 mense byeengebring het...

Sowat een uit elke drie evangeliese Christene in Brittanje sê hulle het vyandigheid ervaar weens hul geloofsoortuigings...

Ten spyte van die verwoesting en onsekerheid wat die voortdurende konflik in Iran meebring, is daar ’n merkwaardige geestelike beweging wat stilweg onder die oppervlak versnel. Christenleiers berig dat die ondergrondse Kerk in die land nie net standhou nie, maar selfs sterker word te midde van die chaos...

Moedersdag is ’n kosbare oomblik van stilstand op die kalender. Kaartjies word geskryf. Blomme word gekoop. Restaurante is vol bespreek. En êrens, vermoed ek, glimlag die hemel, want wanneer ons opofferende liefde eer, weerspieël ons iets van God se hart...

Domino Servite Skool (DSS) het sy 40ste bestaansjaar op 3 Mei 2026 gevier en vier dekades van toegewyde diens aan onderwys, karaktervorming en gemeenskapsontwikkeling herdenk...

Op 6 Maart 2026 het meer as 3 000 Christene uit Kambodja by die “Art for Peace”-muurskildery in Phnom Penh bymekaargekom. Hulle doel was om vir vrede in Kambodja en die res van die wêreld te bid...

Die derde Mighty Men-konferensie vind van 8 tot 10 Mei in Mosselbaai plaas, en mans van regoor Suid-Afrika word aangemoedig om die datum oop te hou en te registreer vir ’n byeenkoms wat beloof om weer ’n lewensveranderende ervaring te wees...

Op Vryheidsdag het voorbidders, koninklikes en tradisionele leiers van regoor Suid-Afrika aan ’n padlangs gebedsaksie in die Oos-Kaap deelgeneem in reaksie op ’n profetiese woord...

Nuwe belangstelling neem toe rondom ’n lank betwiste terrein naby Berg Ararat nadat navorsers ongewone ondergrondse formasies aangemeld het...

’n Voormalige stripklub in Spokane, Washington, word tans omskep in ’n geloofsgebaseerde sentrum met die doel om slagoffers van mensehandel te help bevry en te herstel...

Die grootste skooldistrik in Texas kry teenkanting van plaaslike ouers en gemeenskapsaktiviste oor bewerings dat daar boeke in hul biblioteke is wat seksueel eksplisiete en onwelvoeglike inhoud bevat...

Die Punjab-provinsiale vergadering het die Child Marriage Restraint Bill 2026 goedgekeur, wat 18 jaar as die minimum wettige ouderdom vir huwelike vir beide mans en vroue vasstel en minderjarige huwelike as ’n nie-borgbare oortreding verklaar...

Die derde Mighty Men Konferensie is geskeduleer om vanjaar van 8–10 Mei in Mosselbaai plaas te vind, en Suid-Afrikaanse mans van alle uithoeke van die land word aangemoedig om dit in hul kalenders te plaas en te registreer vir ’n byeenkoms wat weer eens ’n lewensveranderde ervaring beloof...

Terwyl Suid-Afrikaners op 27 April Vryheidsdag herdenk, onthou ons meer as net ’n historiese verkiesing – ons onthou ’n land op die rand van konflik en ’n merkwaardige oorgang wat wêreldwye verwagtinge getrotseer het...

Vloede in Mosambiek het hul verwoesting tot by Cuamba in die Niassa-provinsie versprei, waar meer as 6 000 FEBA-luisteraars en uitsaaiers hul huise en besittings verloor het...

The Exodus Experience is ’n 40-dae- Geesgeleide leefstylreis wat ontwerp is om diep en blywende transformasie te bring. Onder leiding van Lechi Kamffer en Aletté Winckler, wat ’n passie het om mense liggaamlik, verstandelik en geestelik te sien herstel, gaan die program nie bloot oor gewigsverlies of nog ’n dieet nie...

Vir die afgelope ses jaar bid die gebedsbeweging Healing the Nation of Africa from Cape to Cairo getrou vir Suid-Afrika en Afrika, en voer hulle geestelike oorlog oor profetiese woorde vir die streek...

'N klein groep sendelinge is op pad na ’n dorpie. Daar sal hulle die kerkleiers ontmoet, ’n seminaar aanbied en die Evangelie deel met die 500 gesinne wat daar woon. Die laaste deel van die reis neem byna ’n volle dag per motor, maar die sendelinge is dankbaar – die vorige keer het dit hulle vyf dae te voet geneem...

Peter, wat in Kenia se enorme Kakuma-vlugtelingkamp woon, het ’n boodskap gehoor wat sy lewe verander het. “Die gesprek oor dwelmverslawing het direk met my gepraat,” het hy geskryf. “Ek dink ek moet hulp soek en my reis na herstel begin.”...

Ruimtevaarder Reid Wiseman, bevelvoerder van NASA se onlangse Artemis II-sending, het gesê dat hy, al is hy nie godsdienstig nie, in trane uitgebars het toe hy die kruis gesien het kort nadat hulle na die aarde teruggekeer het...

Bybelverkope in Brittanje het tot hul hoogste vlakke gestyg sedert rekordhouding begin het, wat ’n groeiende geestelike belangstelling regoor die land weerspieël...

Wanneer ons aan sending dink, is dit maklik om eerste aan die nood te dink. Ons dink aan die miljoene wat nog nooit die Naam van Jesus gehoor het nie...

In die digitale era is die konflik tussen Israel en Iran nie net op die slagveld nie, maar ook in die media en op sosiale platforms...

In 1886 in Atlanta Amerika word ’n bruisdrankie in ’n apteek verkoop met ’n unieke smaak en genesende kragte om maagpyn oënskynlik beter te maak. Hierdie unieke smaak skuif vinnig uit die apteek na elke straatkafee in Amerika en later al hoe meer wêreldwyd...

In 2022 het die destydse adjunkminister van justisie, John Jeffrey, die Wetsontwerp op die Wysiging van Seksuele Misdrywe vir openbare kommentaar gepubliseer om die ANC-regime se agenda te bevorder om die hele seksbedryf in Suid-Afrika te dekriminaliseer...