Artikelbron: Evangelical Focus
Die 31ste ‘Optog vir Jesus’ het verlede Donderdag in die Brasiliaanse stad, Sao Paulo, plaasgevind.
Dit is ’n jaarlikse geleentheid wat deur verskeie Brasiliaanse kerke gereël word. Die geleentheid het vanjaar weer miljoene besoekers gelok. ’n Beduidende afwesige was president Lula da Silva, wat met vakansie is, berig Evangelical Focus.
Die ‘Optog vir Jesus’ het in 1987 in Londen ontstaan en word sedert 1993 in Sao Paulo gehou. Brasilië se destydse en huidige president, Lula da Silva, het die geleentheid in 2009 by die amptelike kalender gevoeg, wat dit as “die grootste van sy soort” in Suid-Amerika beskou. Organiseerders het aangekondig dat byna twee miljoen mense teenwoordig was tydens hierdie optog. Dit maak dit die grootste evangeliese byeenkoms ter wêreld.
Die aantal evangeliese Christene in Brasilië het glo ’n groot oplewing beleef. Tydens die laaste amptelike sensus in Brasilië (2010) was byna 41 miljoen Brasiliane evangeliese Christene. Ander skattings praat van byna 50 miljoen evangeliese Christene, een uit elke vier Brasiliane.
Die Brasiliaanse weergawe van die Optog vir Jesus word georganiseer deur die Renacer en Cristo-kerk (wedergebore in Christus-kerk), maar ander bekende kerke soos die Assemblies of God is ook betrokke.
Soos in vorige optogte het die gelowiges op die Heldeplein bymekaargekom, waar daar ’n reusagtige verhoog vir die geleentheid opgerig is.
Daar het verskeie bekende Christelike kunstenaars die skare in aanbidding gelei. Onder die meer as twintig kunstenaars was die Brasiliaanse Bruna Karla en die Amerikaanse gospelgroepe Brandin Reed en Lakewood Music.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 19/06/2023
Foto: Facebook Marcha Para Jesus
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
