‘The Chosen’ vertoon nog nuwe episodes in Suid-Afrikaanse rolprentteaters

Artikelbron: Artikel verskaf

Die wêreldwye reeks gaan verdere nuwe episodes van die vierde seisoen première ná oorweldigende reaksie op die rolprentdebuut

Die trefferreeks, The Chosen, is ’n baanbrekende historiese drama gebaseer op die lewe van Jesus, gesien deur die oë van diegene wat Hom geken het. Die reeks het ‘n ongelooflike aanhang regoor die wêreld.

Die afgelope Paasnaweek het hierdie reeks sy rolprentteaterdebuut gemaak, met die eerste twee episodes van die vierde seisoen, wat eksklusief by NuMetro-teaters landwyd vertoon is.

Ná oorweldigende aanvraag het Gravel Road Distribution Group vandag aangekondig dat nuwe episodes binnekort soos volg in fliekteaters uitgereik sal word:

Episodes 3 & 4: Vanaf Vrydag 26 April
Episodes 5 & 6: Vanaf Vrydag 17 Mei
Episodes 7 & 8: Vanaf Vrydag 31 Mei

Dit sal aanhangers landswyd in staat stel om voort te gaan om die reis van hierdie gewilde verfilmde verskynsel te volg, dit is die grootste skarebefondsde reeks van alle tye.

Kyk hier na die lokprent.

Die derde seisoen van The Chosen het afgesluit op ’n hoë noot. Jesus het ’n see van mense wonderbaarlik gevoed. Hy het ook op die water geloop en Hy het ’n wilde storm laat bedaar.

Die reeks gaan nou sy mees onstuimige seisoen binne, aangesien Jesus se wydverspreide roem en volgelinge die aandag trek van die godsdienstige en politieke elite – vir wie Hy nou ‘n bedreiging is. Namate sy vyande die strop nouer trek, worstel sy volgelinge om by te hou en laat Hom die las alleen dra.

Hierdie seisoen keer Jonathan Roumie terug om die rol van Jesus te vertolk. Teen die agtergrond van Romeinse onderdrukking in die eerste-eeuse Israel, deel die vertoning ‘n outentieke en intieme blik op Jesus se revolusionêre lewe en leringe. Die implikasies van Jesus se radikale boodskap bly insink vir sy volgelinge terwyl hulle sukkel om hul rol te verstaan. Jesus en sy volgelinge staar hul grootste uitdagings nog in die gesig. Lojaliteit en geloof word getoets en spanning loop hoog.

Jesus is meer geïsoleer as ooit tevore namate druk van die hoogste vlakke van politieke en godsdienstige owerhede aanhou toeneem. ‘n Belangrike oorkoepelende tema is die idee van lig uit die duisternis—gehore sal sien hoe vreugde uit hartseer te voorskyn kom, hoop uit hartseer en lewe uit die dood.

The Chosen is een van die mees gekykte programme wêreldwyd en is konsekwent ‘n toppresteerder oor verskeie stroomplatforms wêreldwyd. Wat begin het as ‘n skarebefondsde projek, het die wêreld se voorste skarebefondsde televisiereeks van alle tye geword en tot op hede is daar meer as 200 miljoen keer na die reeks gekyk.

Besprekings open binnekort en sal op www.gravelroadafrica.com en www.numetro.co.za

aangekondig word.

Teaters waar daar na The Chosen gekyk kan word:

Gauteng: Clearwater Mall, Hyde Park Centre, Menlyn Park, The Glen, The Strip (Welkom) Westgate, Woodlands

KwaZulu-Natal: Ballito Junction, Cornubia Mall, Galleria, Pavilion
Oos-Kaap: Boardwalk Casino
Wes-Kaap: Canal Walk
Noordwes: Masingita Mall
Vrystaat: Loch Logan

Klik hier om OP HOOGTE van die nuus te bly deur op ons GRATIS weeklikse nuusbrief in te teken.

> Ondersteun asseblief Christen-media en -joernalistiek in Suid-Afrika. Help ons om die Woord van God te verkondig en standpunt in te neem vir die waarheid deur ’n skenking aan ons bediening te maak. Ons waardeer jou ondersteuning. Klik hier om hande te vat met JUIG! Tydskrif.

Datum gepubliseer: 16/04/2024

VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.