Artikelbron: kerkinnood.nl
’n Polisiebeampte het in die noordweste van Pakistan op ’n skoolbus gevuur wat onderwysers en leerders van ’n Rooms-Katolieke meisieskool vervoer het. ’n Agtjarige meisie is dood en verskeie ander is beseer. Die motief van die polisiebeampte, Muhammad Alam Khan, se aanval is nog onduidelik. Die skool, Sangota Public School, is al voorheen deur ekstremiste aangeval.
Die aartsbiskop van Lahore het hom uitgespreek teen groepe wat gekant is teen die idee dat meisies onderwys ontvang en doen ’n beroep op owerhede om meer te doen om skole te beveilig. Hy het beklemtoon dat ondanks die aanval die kerk verbind bly tot onderwys vir almal, insluitend die meer kwesbares in die gemeenskap.
Die skool het in 2012 heropen ná die regering se suiweringsoperasies om terroriste uit die gebied te verdryf. Sedertdien het die getal leerlinge tot 800 gegroei, met ’n klein aantal nonne, onderwysers en ander personeel.
Kenners meen dat die terugkeer van die Taliban na Afghanistan terreurgroepe in die grensgebiede met Pakistan opnuut aanhits om terreurdade te pleeg. Die aantal terreurvoorvalle en sterftes in die streek het toegeneem en die Pakistanse gewapende magte het teikens van aanvalle geword.
Hierdie tragiese gebeurtenis laat dien kollig val op die voortdurende uitdagings wat Pakistan in die gesig staar in terme van veiligheid en ekstremistiese geweld. Dit beklemtoon ook die behoefte om onderwys vir almal te verseker en maatreëls te tref om skole en leerders teen sulke aanvalle te beskerm.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 26/05/2023
Foto: kerkinnood.nl
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
