Artikelbron: globalchristianrelief.org
Sabir*, ’n Moslem in Pakistan, het elke dag op pad werk toe en terug by ’n huis verbygery met die teksvers van Johannes 14:6 daarop. Een dag het sy nuuskierigheid die oorhand gekry en het hy gaan aanklop om te hoor wat die woorde beteken.
Die huiseienaar het die betekenis van die teksvers waarin Jesus Homself as “die Weg, die Waarheid en die Lewe” verklaar, aan Sabir verduidelik. Hy het aangebied om Sabir aan ’n plaaslike pastoor voor te stel en het selfs vir hom ’n Bybel gegee. Sabir kon nie ophou om die Bybel te lees nie, selfs nadat sy imam hom daarteen gewaarsku het. Sy imam het bekommerd geraak toe Sabir hom van die moskee begin distansieer het. Sabir het besef dat hy die waarheid gevind het in die dood en opstanding van Christus; die Bybel het sy lewe verander.
Sabir is deur die Imam as afvallige verklaar en die geestelike leier het gepoog om die gemeenskap teen Sabir op te sweep, maar gelukkig was hy ’n gerespekteerde man in sy gemeenskap.
Sabir het homself uiteindelik laat doop en hy het die boodskap van Christus met ander in sy gemeenskap begin deel. Hy het ook sy verbintenis tot die opvoeding van die kinders in sy gemeenskap uitgespreek en gesê dat hulle kerk nie net ’n gebou sal wees nie, maar ook ‘n plek van onderwys.
Sabir se reis verteenwoordig ‘n transformasie van ‘n nuuskierige verbyganger na ‘n toegewyde Christen. Sy onwrikbare geloof en toewyding om sy nuutgevonde oortuigings te deel, demonstreer die diepgaande impak wat godsdiensverkenning op ‘n individu se lewe en die gemeenskap rondom hulle kan hê.
*Skuilnaam weens veiligheidsredes.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 27/10/2023
Foto slegs ter illustrasie: pixabay.com
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
