Geskryf deur: Geopende Deure SA Artikelbron: www.opendoors.org.za
Namate Noord-Korea die einde van sy plantseisoen nader (sy hoofvoedselbron, rys, word in die laat lente en vroeë somer geplant), lek berigte uit oor die land se haglike voedselsituasie. Die winterkoue is dalk verby, maar nou word die land deur ‘n voedseltekort in die gesig gestaar aangesien voorrade uitgeput is.
In reaksie om voedselvoorrade te probeer aanvul, het Noord-Korea ‘n “landelike mobiliseringsveldtog” van stapel gestuur waarin soldate en burgerlikes wat nie boere is nie “gevra” word om landbouwerk te doen. In werklikheid is hierdie veldtogte eise en weiering word nie geduld onder die Noord-Koreaanse regime nie.
Vanjaar, soos berig deur DailyNK, weier baie mense om aan die mobiliseringsveldtog deel te neem. Die landbouwerk is gewoonlik baie moeilik – wat lang ure se harde arbeid behels, dikwels op ‘n leë maag. Plase ervaar arbeidstekorte en, soos DailyNK berig, het baie mense probeer om die werk te vermy ondanks Noord-Koreaanse owerhede se reaksie om kontrolepunte op te rig om mense vas te trek wat die mobilisering vermy.
Baie Noord-Koreane waag dit egter. Hulle is te honger en ontvang nie rantsoene van die plase óf hul eie buurteenhede nie. Elke Noord-Koreaanse burger word in ‘n buurteenheid geplaas, wat verantwoordelik is vir die monitering van sy lede, die verspreiding van propaganda en die verspreiding van koskoepons.
’n Nuwe verslag van die BBC maak dit duidelik hoe erg die huidige situasie in Noord-Korea is. Een vrou in Pjongjang het aan die BBC gesê sy het gaan inloer by haar bure. “Ek het aan hul deur geklop om vir hulle water te gee, maar niemand het geantwoord nie,” het Ji Yeon gesê. Haar bure het van honger doodgegaan.
Dieselfde BBC-verslag wys daarop dat die grense sedert 2020 gesluit is weens Covid-19-beperkings. Dit het gelei tot strenger beperkings vir mense wat probeer om die grens na China oor te steek, waar hulle hoop om toegang tot lewensreddende voedsel en ander hulp te kry.
Intussen het voedselpryse die hoogte ingeskiet. ‘n Kilogram (voorheen ‘n bietjie meer as R40) kos nou meer as 5 000 Noord-Koreaanse won, wat gelykstaande is aan ‘n geraamde R105. ’n Kilogram mielies kos sowat R53. As jy in ag neem dat die gemiddelde salaris vir ‘n Noord-Koreaan slegs 5 000 tot 10 000 won per maand is (R97 tot R195), begin jy sien hoe verwoestend die huidige krisis is. Dit is ongelooflik moeilik om op sulke karige rantsoene te oorleef.
Die Noord-Koreaanse regering het aangekondig dat hy meer rys van ander lande invoer, maar baie mense baat nie hierby nie. “Weens die gebrek aan voedsel in Noord-Korea het die regering groot hoeveelhede voedsel van China af ingevoer,” sê broer Simon Lee*, die Geopende Deure-koördineerder vir ons Noord-Korea-bediening.
“Volgens die jongste nuus van Noord-Koreaanse gelowiges is die ingevoerde kos hoofsaaklik aan die hooggeplaaste regeringsamptenare en daarna aan die soldate versprei. Slegs ‘n baie klein hoeveelheid is in die mark vir gewone mense beskikbaargestel. Dit is hoekom hongersnood landswyd voortduur.”
Vir Christene in Noord-Korea dra hierdie werklikheid by tot die pynlike ervaring om vervolg te word omdat hulle Jesus volg. Noord-Korea, wat nommer 1 op Geopende Deure se 2023 Wêreldwaarnemingslys is, is die moeilikste plek ter wêreld om ‘n Christen te wees. Iemand wat gevang word omdat hy ‘n Christen is, loop die risiko van arrestasie, tronkstraf en selfs onmiddellike teregstelling. Voeg hierby die daaglikse druk van voedselonsekerheid en mobiliseringsbevele, en die lewe word uiters vir Christene.
Geopende Deure ondersteun Noord-Koreaanse Christene deur geheime netwerke in China. Christene wat slaag om die grense oor te steek, kan voedselhulp en hulp kry. Die huise van veiligheid kan ‘n bietjie minder as 100 mense op ‘n slag help, maar danksy jou ondersteuning kan Geopende Deure mense help soos hulle kom en gaan – insluitend diegene wat terugkeer na Noord-Korea, waar hulle steeds sout en lig vir Jesus is.
Uiteraard is hierdie vlak van hulp slegs die minimum in die lig van so ‘n beduidende voedselkrisis. Maar Broer Simon vertel ons dat God steeds ‘n manier vind om sy barmhartigheid en genade deur sy mense in Noord-Korea te wys.
“Ons hoor inspirerende stories oor Noord-Koreaanse gelowiges wat hul bure help – wat kos, medisyne en ander hulpbronne deel, al is die kos nie eers genoeg vir hulself nie,” sê broer Simon.
“Geheime gelowiges beoefen God se liefde agter die skerms en bedank ons vir die hulp en gebede. Al die eer aan God, wat sy kinders voed in hierdie verskriklike tyd van hongersnood en armoede!”
Broer Simon vra ons ook om saam met Noord-Koreaanse Christene te bid. “Gelowiges in die ondergrondse Kerk vra vir gebed, want dit help hulle om hierdie moeilike tyd te verduur,” sê hy. “Bid asseblief vir hulle en ons bediening.”
Hier is ‘n paar spesifieke maniere waarop ons veldspan jou gevra het om te bid:
- Bid strategies vir Noord-Koreaanse Christene. Bid vir hulle fisiese welstand, dat God vir hulle sal voorsien en dat Hy die siekes bonatuurlik sal genees.
- Bid vir beskerming vir hierdie ondergrondse Kerk, sodat die bose hulle nie kan aanval nie.
- Bid vir hulle geestelike welstand. Bid dat God hulle geloof sal laat groei sodat hulle kan volhard.
Klik hier om saam met gelowiges in Noord-Korea te staan en seker te maak dat hoewel hulle vervolg word, hulle nooit alleen is nie.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 21/08/2023
Foto slegs ter illustrasie. Kunswerke aangepas uit
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
, lek berigte uit oor die...){kind=link}