Geskryf deur: Erin Georgiou
Artikelbron: JUIG! Tydskrif
“Deurgrond my, o God, deurgrond my hart, ondersoek my, sien tog my onrus raak. Kyk of ek nie op die verkeerde pad is nie en lei my op die beproefde pad!” – Psalm 139:23-24
Enigiemand wat al getrek het sal jou vertel wat ’n groot taak dit is. Oor die jare kry ons dit reg om soveel rommel en baie onnodige items op te gaar. Vir sommige is dit nie maklik om van hierdie rommel ontslae te raak nie. Party is opgaarders, ander het sterk sentimentele en emosionele bande met hulle besittings, en baie is eenvoudig net nie gereed om te laat gaan nie.
Ons lewens is baie dieselfde. Ons dra ook elke dag “goed” saam – bagasie, gewoontes en afleidings – en met verloop van tyd raak ons gevangenes van hierdie ophoping. Die Woord herinner ons om ons harte te bewaar: “Wees veral versigtig met wat in jou hart omgaan, want dit bepaal jou hele lewe” (Spr 4:23). Ons kan en mag nie toelaat dat ons “goed” ons verhoudings, gedrag of – selfs erger – ons ewige belonings negatief beïnvloed nie.
Ontdek en gebruik jou geestelike gawes
Elkeen van ons is ryklik toegerus met geestelike gawes, bedoel om ander te seën gedurende ons leeftyd. Ongelukkig bly baie van hierdie gawes dormant of begrawe as gevolg van eksterne omstandighede. Eendag sal ons almal voor God staan en rekenskap gee van hoe ons die wonderlike gawes wat Hy aan ons toevertrou het, gebruik het. Op daardie dag sal niemand anders langs ons staan nie; ons sal elkeen alleen voor Hom moet antwoord.
Oorweeg asseblief die erns van hierdie waarheid. Maak ’n verbintenis om jou “goed” gereeld in gebed na God te bring. Vra Hom om jou te lei en te help om sy gawes te gebruik om ’n betekenisvolle impak op ander se lewens te maak. Gebruik jou tyd op aarde verstandig; moenie net van dag tot dag, week tot week en jaar tot jaar dryf nie.
Lewe vir ewige belonings
Waar jy die ewigheid sal deurbring, is verseker as jy jou lewe aan Jesus gegee het. Maar hoe jy dit gaan deurbring, word bepaal deur wat jy in hierdie leeftyd doen. Laat ons strewe om in 2025 effektiewe, positiewe verteenwoordigers van God te wees. Mag hierdie nuwe jaar ’n tyd wees van refleksie en regstelling, ’n seisoen van doelgerigtheid en vreugde, terwyl ons God toelaat om ons op die ewige weg te lei.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
> Ondersteun asseblief Christen-media en -joernalistiek in Suid-Afrika. Help ons om die Woord van God te verkondig en standpunt in te neem vir die waarheid deur ’n skenking aan ons bediening te maak. Ons waardeer jou ondersteuning. Klik hier om hande te vat met JUIG! Tydskrif.
Datum gepubliseer: 31/01/2025
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
