Geskryf deur: Mary Margaret Olohan Artikelbron: stream.org
Daar word verwag dat honderde mense hierdie naweek by die Opmars vir die martelaars in
Washington, D.C., sal aansluit in solidariteit met vervolgde Christene wêreldwyd.
Op 30 September sal die organisasie sonder winsbejag, For the Martyrs, sy jaarlikse optog hou om
mense bewus te maak oor die toenemende vervolging van Christene in die wêreld. Die 2023-optog
sal veral die lot van Christene in Nigerië, Iran en Armenië beklemtoon.
“Die Opmars vir die Martelare is meer as ’n gebeurtenis,” het Gia Chacon (26) die uitvoerende hoof
en stigter van die Martyrs, gesê. “Dit is dit ’n verklaring dat ons ons nie sal blind hou vir die lyding
van ons broers en susters in die geloof nie.”
“Hierdie optog dien as ’n tasbare manier om in solidariteit met vervolgde Christene te staan – om
ons stemme te verhef waar hulle s’n stilgemaak is,” het Chacon bygevoeg, wat die organisasie gestig
het toe sy 23 jaar oud was. “Ons nooi jou uit om op 30 September by ons aan te sluit in Washington,
D.C. en standpunt in te neem vir godsdiensvryheid en menswaardigheid.”
Die Optog vir die Martelare sal afgesluit word met ’n nag van gebed vir die vervolgdes, waar
deelnemers die getuienisse van oorlewendes van vervolging sal hoor asook kampvegters vir
godsdiensvryheid.
Chacon en haar organisasie sê dat die vervolging van Christene dikwels deur die hoofstroommedia
oor die hoof gesien en geïgnoreer word, alhoewel die aantal mense wat wêreldwyd weens hul
geloof vervolg word, steeds toeneem.
Volgens Geopende Deure U.S., is 360 miljoen Christene verlede jaar vervolg of is daar teen hulle
gediskrimineer vir hul geloof, terwyl 5 259 Christene ontvoer is, 5 621 Christene vermoor is vir hul
geloof en 2 110 kerke en Christelike geboue aangeval is.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 28/09/2023
Foto: Gia Chacon
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
