Geskryf deur: Hulp aan die Kerk in Nood Artikelbron: kerkinnood.nl
Byna 1 000 paniekbevange Christene van die Pakistanse stad Jaranwala het verlede week in suikerrietlande oornag nadat hulle ternouernood uit die kloue van ’n woedende skare ontsnap het. Fanatiese Moslems het hulle geteiken ná ’n beweerde saak van godslastering. Christen-huishoudings is ook geteiken. Sommige is aan die brand gesteek, die meeste is geplunder en verwoes.
Bronne na aan die Rooms-Katolieke liefdadigheidsorganisasie Aid to the Church in Need (ACN) het ’n evaluasie van die skade gedoen nadat die vlaag van geweld geëindig het. Christen-huise in die platteland en die dorp Jarawala is deur aanvalle geteiken. ’n Bron wat weens veiligheidsredes anoniem wil bly, het bevestig dat die omvang van die aanvalle dui op voorbedagte rade in die vlaag van geweld.
Baie van die Christen-vlugtelinge het teruggekeer en gevind dat hulle huise vernietig is. “Talle van die gesinne het in suikerrietplantasies oornag – tot 1 000 mense. Sommige het later desperaat teruggegaan na hulle huise om kos te kry, maar toe hulle by die huis aankom, het hulle ontdek dat alles verwoes is – niks om op te sit nie, niks omte drink nie, nie eers ’n gloeilamp nie.”
Die aanvalle het kerke van alle denominasies getref.
Volgens aartsbiskop Benny Travas is dit nie die eerste keer dat onluste veroorsaak word deur beskuldigings van godslastering nie: “As die hoof van die Rooms-Katolieke Christelike gemeenskap in Karachi, kan ek eenvoudig nie verstaan dat my nasie geen respek toon vir enige godsdiens of godsdienstige boeke nie. Ons as ‘n Christelike gemeenskap het keer op keer ons getrouheid aan die Pakistanse nasie getoon en tog wys voorvalle soos Jaranwala dat ons werklik tweedeklasburgers is wat na willekeur geterroriseer kan word.”
Die (tussentydse) minister van Punjab, Mohsin Naqvi, het Donderdag belowe om alle geaffekteerde kerke en huise binne ’n paar dae te herstel. Intussen is 3 000 polisiebeamptes, insluitend elite-troepe, na die gebied gestuur. Die plaaslike polisie het ook 700 arrestasies gemaak. Distriksamptenare het ‘n verbod van sewe dae lank op alle vorme van byeenkomste uitgereik, behalwe dié wat deur die regering georganiseer word. Die Punjab-regering het ’n ondersoek gelas om die voorval te ondersoek, met voorwaardes wat deur die tussentydse premier Anwaarul Haq ingestel is.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 24/08/2023
Foto slegs ter illustrasie. Kunswerke aangepas uit unsplash.com
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
