Die Wêreldgesondheidsorganisasie se ware agenda – globale regering deur gesondheidsorg!

Artikelbron: familypolicyinstitute.com

Die algemene vergadering van die Verenigde Nasies (VN) het onlangs ’n niebindende verklaring
aangeneem wat daarop gemik is om internasionale samewerking te verbeter waarmee pandemies
aangepak kan word.

Kenners voer egter aan dat daar in hierdie verklaring bepalings versteek is wat nie verband hou met
pandemievoorkoming nie, soos die bevordering van aborsie, gender-ideologie en spraaksensuur. Die
VN het nie ’n lidstaatstemming oor die voorgestelde wêreldwye Pandemieverdrag gehou nie, maar ’n
prosedure gebruik wat lande verhinder om openlik beswaar te maak teen die teks. Die VN het dus in
wese net die lidstate se steun as vanselfsprekend aanvaar.

Die Family Policy Institute (FPI) en die UN Family Rights Caucus hou die
Wêreldgesondheidsorganisasie se Pandemieverdrag fyn dop om hierdie agendas teë te werk.
Daarbenewens hou FPI ’n wakende oog oor die ontwikkeling van ’n genderneutrale enkele
Huwelikswet wat tans by die parlement se Portefeuljekomitee vir Binnelandse Sake is. FPI is besig om
’n aanlyn platform te skep om burgers te help om voorleggings oor hierdie wetsontwerp te maak,
met die doel om dit te dokumenteer vir potensiële regsake.

FPI staar egter finansiële uitdagings in die gesig terwyl hy werk om tradisionele gesinswaardes en
Bybelse beginsels in die parlement, die media en die breë samelewing te verdedig. Daar word ’n
beroep gedoen om belasting-aftrekbare skenkings te maak om sy pogings te ondersteun. Jy kan jou
bydrae direk in FPI se bankrekening inbetaal. Belastingsertifikate is op aanvraag beskikbaar.
Die Suid-Afrikaanse regering, onder leiding van die ANC-regime, implementeer slaafs ’n buitelands-gedrewe seksueleregte-beleid in opdrag van VN-agentskappe. Veranderinge in wette wat verband hou met genederneutrale huwelike en herdefiniëring van geslag en die huwelik is weens hierdie
eksterne druk en die wil van die meerderheid Suid-Afrikaanse burgers word verontagsaam.

FPI monitor ook die BELA-wetsontwerp wat poog om ouerlike gesag in die onderwys te beperk,
gekombineer met pogings om CSE en radikale gender-ideologie in skole af te dwing. Hulle beskou
hierdie wetsontwerp as ’n beduidende bedreiging vir vryheid van keuse in die onderwys.
Boonop is FPI bekommerd oor die impak van Haatmisdaadwette op godsdiensvryheid en vryheid van
spraak en beskou dit as ’n ernstige bedreiging vir Christen-burgers se Bybelse oortuigings en geloof.
Lees die volledige artikel by joynews.co.za

Klik hier om OP HOOGTE van die nuus te bly deur op ons GRATIS weeklikse nuusbrief in te teken.

Datum gepubliseer: 01/10/2023
Foto slegs ter illustrasie. Kunswerke aangepas uit commons.wikimedia.org

VRYWARING

JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.