Artikelbron: Evangelical Focus
Die Britse regering het op 14 Maart ’n nuwe definisie van die woord ekstremisme bekendgestel in reaksie op toenemende haatspraak in die land. Christene is egter bekommerd oor die definisie, skryf Evangelical Focus.
Die nuwe definisie het ten doel om demokratiese waardes te beskerm deur die gevare van ekstremisme duidelik en akkuraat te identifiseer. Dit sal meer beperk en presies wees as die 2011-definisie en is nie gemik op mense met vreedsame oortuigings nie.
Die definisie lui: “Ekstremisme is die voorstaan of bevordering van ’n ideologie wat gebaseer is op geweld, haat of onverdraagsaamheid wat daarop gemik is om die fundamentele regte en vryhede van ander te ondermyn of te vernietig; of die Britse stelsel van liberale parlementêre demokrasie en demokratiese regte te ondermyn, omver te werp of te vervang; of doelbewus ’n omgewing te skep waarin ander hierdie resultate kan bereik”.
Hierdie definisie word egter met kommer ontvang. Anglikaanse aartsbiskoppe het byvoorbeeld ’n gesamentlike verklaring uitgereik waarin hulle gewaarsku: “…eerder as om duidelikheid te verskaf of ’n versoenende toon aan te slaan, kan die benadering om ’n veelsydige probleem as haatdraende ekstremisme te bestempel, die verkeerde mense belaster en nog meer verdeeldheid veroorsaak.”
Volgens die leier van die Anglikaanse Kerk hou die nuwe definisie ’n onbedoelde bedreiging in nie net vir vryheid van uitdrukking nie, maar ook vir die reg op aanbidding en vreedsame protes, dinge wat met moeite bereik is en wat die struktuur van ’n beskaafde samelewing vorm.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
> Ondersteun asseblief Christen-media en -joernalistiek in Suid-Afrika. Help ons om die Woord van God te verkondig en standpunt in te neem vir die waarheid deur ’n skenking aan ons bediening te maak. Ons waardeer jou ondersteuning. Klik hier om hande te vat met JUIG! Tydskrif.
Datum gepubliseer: 20/03/2024
Foto slegs ter illustrasie: unsplash.com
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
