Artikelbron: www.worthynews.com
Die Billy Graham Evangelistic Association (BGEA) berei voor om Christen-leiers van oral uit Europa te
vergader vir ’n groot byeenkoms oor evangelisasie.
Die Europese Kongres oor Evangelisasie sal van 27 tot 30 Mei 2025 in die Duitse hoofstad, Berlyn,
plaasvind. Die verwagting is dat 1 000 Christen-leiers uit elke Europese land en gebied dit sal
bywoon.
Dit volg ’n lang reeks sendinggerigte byeenkomste in Europa, insluitend die eerste Wêreldkongres oor
Evangelisasie wat in 1966 in Berlyn gehou is, die 1974 Lausanne-konferensie en drie strategiese
evangelisasiekongresse in Amsterdam in 1983, 1986 en 2000.
Daar word gehoop dat kerkleiers die Berlynse kongres in 2025 sal verlaat met hernieude toewyding
tot “vrymoedige en Bybelse evangelisasie”, het die BGEA gesê.
Sprekers vir die kongres is nog nie bevestig nie, maar die tema sal fokus op Romeine 1:16, wat
gelowiges vermaan om onbeskaamd te wees oor die Evangelie.
Bywoning is slegs op uitnodiging en is beperk tot diegene met Europese burgerskap en wie se
bedieningswerk in Europa is, het die BGEA gesê.
Dr. Per Ewert, die direkteur van die Sweedse Christelike dinkskrum, The Clapham Institute, het gesê:
“Europa ervaar in die 21ste eeu twee parallelle tendense – ’n voortdurende wind van sekulêre
individualisme en toenemende teenkanting teen hierdie filosofie en die gepaardgaande gevolge
daarvan vir die samelewing en individue.
“Dit is noodsaaklik om die Goeie Nuus oor Jesus Christus te verkondig in ’n kultuur wat ’n morele en
geestelike grondslag, vrede en agape-liefde nodig het.”
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 13/01/2024
Foto slegs ter illustrasie. Kunswerk aangepas vanaf pixabay.com
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
 berei voor om Christen-leiers van oral uit Europa tevergader vir ’n groot byeenkoms...){kind=link}