Mediaverklaring deur Rachel Kalidass;
Awakening South Africa, Prayer & Repentance Movement
Christene regoor Suid-Afrika geroep om vir hul stede, dorpe, wyke en leiers te bid
Awakening South Africa, Prayer and Repentance Movement het die City Connect se 50 Dae van Gebedsgidse geloods en doen ʼn beroep op Christene, kerke, bedienings, gebedsgroepe en gemeenskappe regoor Suid-Afrika om te verenig in 50 dae van gefokusde gebed voor die plaaslike regeringsverkiesing van 2026.
Die nasionale gebedsveldtog duur van 14 September tot 3 November na aanloop van die plaaslike regeringsverkiesings op 4 November. Die gids is gratis beskikbaar [SIEN AFLAAI-AFDELING HIERONDER.]
“Ek het besef dat die uitdagings waarmee ons nasie te kampe het, ’n verandering in mense se harte vereis,” sê Rachel Kalidass, visionêre leier van Awakening South Africa, Prayer and Repentance Movement. Sommige mense sal veldtogte aanvoer. Sommige sal vrywilligerswerk doen. Baie sal stem. Maar een van die kragtigste bydraes wat Christene kan lewer, is om te bid.
Suid-Afrika benodig meer as politieke oplossings, ons benodig wagte op die mure wat sal bid, voorbidding doen en in God glo vir transformasie. Wanneer ‘n stad floreer, floreer sy mense. Daarom roep ons gelowiges in elke dorp en stad op om in die gaping te staan vir die plekke waar hulle woon.”
City Connect het met ʼn gewone, maar belangrike vraag begin: wat kan gebeur as gelowiges in elke stad en dorp regoor Suid-Afrika saam staan in geloof vir 50 dae?
Geanker in Jeremia 29:7, “Bevorder die belange van die stad waarheen Ek julle in ballingskap weggevoer het, bid tot My vir daardie stad, want sy belange is ook julle belangeˮ, roep die inisiatief Christene om in die gaping te staan vir hul gemeenskappe en om vir regverdige leierskap, vreedsaame verkiesings, goeie regering, geregtigheid, versoening en die welstand van Suid-Afrika se munisipaliteite te bid.
Die Skrif beveel gelowiges ook om vir diegene in gesagsposisies te bid, sodat die samelewing vrede, orde en stabiliteit kan ervaar (1 Tim 2:1-2). Verkiesings is meer as politieke gebeurtenisse: hulle bepaal leierskap, beïnvloed beleide, beïnvloed dienslewering en vorm die toekoms van die gemeenskappe.
Die gids stel ʼn gestruktureerde daaglikse reis van Skrif, gebed en proklamasie uiteen, sodat individue en groepe regoor die land saam kan bid oor gemeenskaplike temas. Die 50 dae van gebed is uiteengesit in dae van voorbereiding voordat die veldtog begin en gebed wat voortduur tot Verkiesingsdag self.
Die reis begin met danksegging, toewyding en oorgee, voordat dit oorgaan na gebed vir nasionale hoop en vrede; vir die Onafhanklike Verkiesingskommissie van Suid-Afrika (OVK), verkiesingswerkers, kiesers en politieke leiers; vir munisipaliteite, wyke en gemeenskappe, en laastens vir die verkiesings, die uitslae en die opdraggewing van gelowiges om voor te gaan om hul gemeenskappe na Verkiesingsdag te dien.
Deelnemers word aangemoedig om plaaslik te bid deur hul provinsie, munisipaliteit, wyk, stemmingsdistrik, stemmingstasie, gemeenskapsleiers, OVK-amptenare, kandidate en inwoners deurentyd te noem.
ʼn NASIONALE OPROEP TOT GEBED
Suid-Afrika staar steeds beduidende uitdagings in die gesig, insluitend misdaad, korrupsie, werkloosheid, armoede, geweld, dwelmmisbruik, sosiale verdeeldheid en probleme binne baie munisipaliteite.
City Connect is gestig op die oortuiging dat gebed nie passief is nie, maar eerder ʼn uitnodiging vir gelowiges om God se wysheid, beskerming, geregtigheid, genesing en transformasie te soek.
Die inisiatief stel nie gebed teenoor aksie nie, en dit poog nie om burgerlike verantwoordelikheid te vervang nie. Dit roep Christene om geestelike verantwoordelikheid met verantwoordelike burgerskap te kombineer – om te bid, deel te neem, hul gemeenskappe te dien, vrede te bevorder en hulle demokratiese verantwoordelikheid verstandig beoefen.
City Connect is nie-partydig. Dit onderskryf, ondersteun of staan geen politieke party, kandidaat of veldtog teen nie, en dit bid vir almal wat vir ʼn amp staan en vir almal wat in die verkiesingsproses dien.
Die visie is om gebed te sien beweeg van Johannesburg na Kaaptstad, Durban tot Mahikeng, Bloemfontein tot Gqeberha, Polokwane tot Kimberley en Mbombela en deur honderde dorpe, woonbuurte, voorstede, nedersettings en landelike gemeenskappe regoor Suid-Afrika.
NASIONALE DAG VAN GEBED EN BEKERING
ʼn Betekenisvolle oomblik in die veldtog sal die 2026 Nasionale dag van Gebed en Bekering vir Suid-Afrika wees, wat op Vrydag 25 September van 11:00 tot 15:00 by die Niewmeesterkoepel in die Parlement van Kaapstad gehou sal word.
Die Niewmeesterkoepel dien as die tydelike tuiste van die Nasionale Vergadering na die parlementêre brand in 2022.
Kerk- en gemeenskapsleiers van dorpe en stede regoor die land word uitgenooi om deel te neem. Die byeenkoms sal lewendig uitgesaai word via die Awakening South Africa Prayer and Repentance movement webtuiste, Youtube kanaal en sosialemedia platforms om Suid-Afrikaners van regoor die land toe te laat om deel te neem.
HOEKOM 50 DAE?
Die getal 50 dra besondere betekenis vir die inisiatief.
Die Skrif teken aan hoe Abraham in Genesis 18 vir ʼn stad voorbidding gedoen het namens 50 regverdiges. Na pasga het Israel 50 dae tot Pinkster getel, ʼn getal wat geassosieer word met voorbereiding, afwagting, oes en die uitstorting van God se Gees. In die Jubeljaar, wat in die 50ste jaar voorspel is, is gevangenis vrygelaat, skulde is vergewe en herstel is verklaar.
Die jaar 2026 merk ook 50 jaar sedert die Soweto-jeugopstand van 16 Junie 1976, ‚ʼn keerpunt in Suid-Afrika se weerstand teen Apartheid.
“Awakening South Africa, Prayer and Repentance-beweging was launched in Sharpeville is in Sharpeville van stapel gestuur. Die jongmense van 1976 het hul lewens gegee vir die vryheid wat Suid-Afrikaners op 4 November by die stembus sal uitoefen. Vyftig jaar later roep ons hierdie generasie op om te rentmeester wat hulle met hul lewens gekoop het; om te stem, te dien en te bid.”
Awakening South Africa Prayer and Repentance-beweging sien hierdie 50 dae as ʼn geleentheid vir ʼn nuwe genenerasie Suid-Afrikaners om God saam te soek vir bekering, eenheid, restorasie, regverdige leierskap en nuwe hoop vir die nasie.
HOE SUID-AFRIKANERS DEEL KAN NEEM
From 14 September, Awakening South Africa Prayer and Repentance movement invites individuals, families, churches, ministries and prayer groups to download the City Connect Prayer Guide, to use it daily, and to establish prayer gatherings within their communities.
Vanaf 14 September nooi die Awakening South Africa Prayer and Repentance-beweging individue, gesinne, kerke, bedieninge en gebedsgroepe uit om die City Connect Gebedsgids af te laai, dit daagliks te gebruik en gebedsbyeenkomste binne hul gemeenskappe te stig.
Die beweging vra aan kerke- en gemeenskapsleiers om City Connect gebedsgroepe te lei, om sodoende gelowiges plaaslik bymekaar te bring om saam met ander regoor die land te bid.
Die veldtog sal uitloop op gebed tot onmiddellik voor Verkiesingsdag, gevolg deur ʼn toegewyde Plaaslike Regering Verkiesingsdag gebed op 4 November vir vrede, kieserswysheid, verkiesingsintegriteit, beskerming, billikheid, verantwoordelike deelname en diensbare leierskap.
LAAI DIE GEBEDSGIDS AF
Die City Connect 50 dae van Gebedsgids is gratis beskikbaar hier:
https://prayerandrepentance.com/city-connect.php
BELANGRIKE DATUMS
City Connect: 50 Days van gebed – 14 September tot 3 November 2026
Nasionale dag van Gebed en Bekering – 25 September 2026, 11:00–15:00, Nieuwmeesterkoepel, Parlement, Kaapstad (slegs per uitnodiging, lewendige uitsending sal beskikbaar wees)
Plaaslike Regering Verkiesingsdag gebed – 4 November 2026
Plaaslike Regeringsverkiesing – 4 November 2026
VERSOEK OM BORGSKAP, VENNOOTSKAP EN FINANSIËLE ONDERSTEUNING VIR:
- City Connect se 50 Dae van Gebed vir die 2026 Plaaslike Regeringsverkiesings
- Die Nasionale Dag van Gebed en Bekering wat op 25 September 2026 in die Parlement gehou sal word
Bankbesonderhede is soos volg:
- Bank: Investec Bank Beperk
- Rekeningnaam: Awakening South Africa, Prayer and Repentance Movement
- Rekeningnommer: 10011536636
- Taknaam: Investec Bank Grayston Drive
- Takkode: 580105
U finansiële bydraes tot die organisering van hierdie historiese geleenthede sal opreg waardeer word.
“Bevorder die belange van die stad waarheen Ek julle in ballingskap weggevoer het, bid tot My vir daardie stad, want sy belange is ook julle belange.” — Jeremia 29:7
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
> Ondersteun asseblief Christen-media en -joernalistiek in Suid-Afrika. Help ons om die Woord van God te verkondig en standpunt in te neem vir die waarheid deur ’n skenking aan ons bediening te maak. Ons waardeer jou ondersteuning. Klik hier om hande te vat met JUIG! Tydskrif.
Hoof foto en inhoud verkry deur Prayer & Repentance
Datum gepubliseer: 02/09/2026
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
