Artikelbron: worthynews.com
Australië se federale regering het ’n digitale identiteitskema onthul wat teen Julie volgende jaar landwyd geïmplementeer sal word. Die voorgestelde wetsontwerp ken ’n bykomende $145,5 miljoen toe, wat die totale befondsing vir die projek op $781,9 miljoen te staan bring.
Te midde van wêreldwye pogings onder leiding van die Verenigde Nasies, om teen 2030 na universele digitale identifikasie te beweeg, spreek kritici kommer uit dat die dit moontlik inbreuk kan maak op burgers se privaatheid. Die Australiese regering verseker burgers egter dat die digitale ID-stelsel veilig, gerieflik, vrywillig en inklusief is en beklemtoon dat dit nie ’n kaart, unieke nommer of ’n nuwe vorm van ID is nie.
Die Digitale ID-wetsontwerp vestig ’n wetgewende raamwerk vir ’n breë digitale ID-stelsel, wat ’n oplossing bied vir die gefragmenteerde digitale ID-landskap van die verskillende state. Die regering voer aan dat ’n digitale ID noodsaaklik is vir die verbetering van aanlyn veiligheid en om te reageer op die toenemende aantal kriminele aanlyn oortredings deur derdepartye. Katy Gallagher, die minister van finansies, het die wetsontwerp op 30 November ingedien, met die klem op die verbetering van aanlynveiligheid en die versekering van onafhanklike toesig oor die uitbreiding van die Australiese regering se digitale ID-stelsel vanaf middel 2024.
In Europa het Switserland ook by die digitale ID-tendens aangesluit en ’n plan aangekondig om in 2026 met sy skema te begin. Ondanks omstredenheid en ’n 2021-referendum waar burgers teen ’n nasionale digitale ID-wet gestem het weens privaatheidskwessies, het die Switserse Federale Raad die e-ID-wetsontwerp bekendgestel. Die raad beweer dat hy aandag geskenk het aan burgerlike besware en het beklemtoon dat die gebruik van die e-ID vrywillig sal wees en dat dit aanlyn asook vanlyn van toepassing sal wees. Dit sal gratis wees vir individue met spesifieke identifikasiedokumente.
Kritici bly egter skepties oor die regering se entoesiasme vir digitale ID-inisiatiewe in Switserland, Australië en ander lande. Die voortdurende debat rondom die potensiële Orwelliaanse implikasies en privaatheidskwessies duur voort namate lande nader beweeg aan ’n meer digitaal-gesentreerde identifikasiestelsel.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 21/12/2023
Foto slegs ter illustrasie: unsplash.com
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
