Artikelbron: cne.news en katholisch.de
“Godlose fisika is onmoontlik.” – prof. Heino Falcke
Heino Falcke is ’n Duitse astrofisikus wat bekend is vir sy beduidende bydraes tot die veld van radio-astronomie. Hy het ’n sleutelrol gespeel in die Event Horizon Telescope (EHT)-projek, wat die eerste
beeld ooit van ’n swart gat (black hole) suksesvol vasgelê het. Hy is tans ’n hoogleraar in astrofisika
aan die Radboud Universiteit in Nederland.
Afgesien van sy wetenskaplike werk, praat Falcke openlik oor sy Christelike geloof. Hy het al in
verskeie onderhoude sy geloof in die verenigbaarheid van wetenskap en godsdiens uitgespreek. Hy
daag die idee uit dat wetenskap en geloof inherent in stryd met mekaar is en beskou die idee van
“Godlose fisika” as absurd, berig katholisch.de. Hy wys daarop dat voormalige fisici dikwels gelowige
Christene was en voer aan dat wetenskaplikes die filosofiese en teologiese implikasies van hul werk
moet oorweeg.
Falcke glo dat wetenskaplikes wat hul perspektief tot slegs materiële aspekte beperk, hulself
intellektueel “besny”. Hy pleit vir ’n oop dialoog tussen wetenskap en teologie, en moedig filosowe
en teoloë aan om meer by fisika betrokke te raak en omgekeerd.
Falcke stel voor dat die akademiese gemeenskap ontvanklik moet wees vir besprekings oor “God as
die oorsprong van alles in die wetenskap.”
CNE News berig dat Falcke onlangs in ’n onderhoud ontsag uitgespreek oor die geheimenisse van die
skepping wat hy al in sy werk teëgekom word. Hy glo dat begrip van die Skepper se rol in die heelal
die natuur omskep in ’n ‘Goddelike liefdesbrief’.
Buiten sy wetenskaplike prestasies dien Falcke as ’n lekeprediker in die Protestantse Kerk in die
Rynland.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 17/01/2024
Foto slegs ter illustrasie: wikipedia
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
