Artikelbron: cvandaag.nl
Die geweld teen Christene in Europa is aan die toeneem, soos bevestig deur ‘n verslag van ‘n instituut wat fokus op voorvalle van onverdraagsaamheid en diskriminasie teen Christene. Verlede jaar was daar 792 aangemelde voorvalle, teenoor 519 van die vorige jaar, berig cvandaag.
Die instituut, Observatory on Intolerance and Discrimination against Christians in Europe, wat in Wene gebaseer is, dokumenteer jaarliks aanvalle of dreigemente teen Christene. Vanjaar se verslag is uiters kommerwekkend en noem aanrandings op Christene in dertig Europese lande, insluitend 38 fisieke aanvalle en drie moorde.
Die instituut glo hierdie getalle verteenwoordig waarskynlik slegs ‘n fraksie van die werklike voorvalle omdat slagoffers uit vrees nie altyd voorvalle aanmeld nie en weens ’n gebrek aan media-beriggewing daaroor. Die oplewing in anti-Christelike sentiment word gekoppel aan geradikaliseerde lede van ideologiese, politieke of godsdienstige groepe wat teen die Christendom gekant is.
Daarbenewens dra beperkings op die uitdrukking van godsdienstige oortuigings in openbare debatte by tot hierdie vyandigheid. Gesprekke rondom vryheid van spraak, veral rakende nuwe wette wat openbare diskoers reguleer.
Die verslag beklemtoon ook hoe besprekings oor LGBTQ+-kwessies inbreuk maak op Christene se vryheid van spraak. Wette wat swak gedefinieer word, belemmer Christelike uitdrukking.
Behalwe vir hierdie kwessies in Europa, dien die oorlog in die Oekraïne as ‘n katalisator vir geweld teen Christene. Voorvalle wat daar aangemeld is, gedryf deur politieke en etniese motiverings, het gelei tot diskriminasie teen Christene. Russiese magte het kerke gesluit, geestelikes ontvoer, en Ortodokse Christene het in baie Europese lande te kampe gehad met diskriminasie as gevolg van die konflik. Terselfdertyd het die Oekraïne ook kerke gesluit en priesters gearresteer.
Klik hier om die volledige verslag af te laai en te lees
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 20/11/2023
Foto slegs ter illustrasie: pixabay.com
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
