Artikelbron: cne.news
Christen-skole in Europa moet groot struikelblokke te bowe kom, maar die behoefte aan Christelike onderwys groei, volgens ’n berig van CNE News.
Die Brussels Considerations-konferensie het volgens die berig ’n beduidende ontwikkeling aan die lig gebring: vir die eerste keer in jare word nuwe Christen-skole in Swede, die Verenigde Koninkryk en Spanje gestig. Dit is veral opvallend in Swede, waar die politieke klimaat nie gunstig is vir godsdienstige skole nie.
In Spanje neem die aantal Christen-skole toe, met planne vir twee tot drie nuwe skole in die komende jare. Die inisiatief het finansiële uitdagings, maar daar is ’n visie om 20 nuwe Christelike skole te begin.
In Albanië is die Christelike onderwyssektor relatief nuut, maar word gekonfronteer met uitdagings soos finansiële beperkings en ’n gebrek aan regeringsondersteuning.
België en Oostenryk het ook ’n toename gesien. Hierdie stand van sake word toegeskryf aan die reaksie van ouers op die politieke ontwikkeling oral in Europa wat openbare skole dwing om oor gender- en seksualiteit te onderrig vanuit ’n liberale oogpunt. Ouers wat bekommerd is oor die liberale inhoud in openbare skole soek alternatiewe wat met hul eie waardes strook.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 03/02/2024
Foto slegs ter illustrasie: unsplash.com
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
