Geskryf deur: Errol Naidoo
Artikelbron: Family Policy Institute
Minister van Finansies, Enoch Godongwana, se hersiene Begroting, wat op 12 Maart voorgelê is, is deur die DA in die Regering van Nasionale Eenheid (GNU) sowel as die MK- en EFF-opposisiepartye verwerp. Die ANC se alliansievennote, COSATU en die SAKP, het dit ook teengestaan.
Die ANC se pro-korrupsie-begroting sluit staatsbestedingsbesnoeiings uit, insluitend bedrog, vermorsing en misbruik van belastingbetalers se geld. In plaas daarvan stel die hersiene Begroting ’n verhoging van 0,5 persent in BTW vir 2025 en weer in 2026 voor. Boonop word persoonlike inkomstebelasting nie vir inflasie aangepas nie – wat ’n vorm van sluipbelasting is – om die tekort in die Begroting te dek.
Dit beteken die ANC beoog om die las van sy bestuursmislukkings op die belastingbetaler oor te dra. President Ramaphosa se administrasie het versuim om die ekonomie te laat groei as gevolg van die ongebreidelde korrupsie, onbevoegdheid en werkvernietigende beleide. Suid-Afrika se skuld het die hoogte ingeskiet. Ekonome beklemtoon: “22 sent van elke rand wat ingesamel word, word gebruik om skuld te diens.”
Gelukkig het die ANC in 2024 sy parlementêre meerderheid verloor en kan nie die Begroting alleen deurvoer nie. Dit beteken dit moet gewysig word voordat dit in die Parlement goedgekeur kan word. U moet dringend aan die ‘Standing Committee on Finance’ skryf en aandring dat belastingverhogings, insluitend sluipbelasting, verwerp word en dat die begrotingstekort deur besnoeiings op vrugtelose en verkwistende staatsbesteding gedek word.
Skryf asseblief aan die Voorsitter van die Standing Committee on Finance, Mnr. Mkhacani Joseph Maswanganyi by jmaswanganyi@parliament.gov.za. CC ook die Komiteesekretaris, Allan Wicomb, by awicomb@parliament.gov.za of stuur ‘n WhatsApp na 083 412 1475.
Ekonoom Dawie Roodt waarsku: “Suid-Afrika se skuld is onvolhoubaar en moet as ’n tikkende tydbom beskou word.” Die ANC het die land se finansies só wanbestuur dat Suid-Afrika R13 473 elke sekonde aan skuldrente (nie skuldkapitaal nie) betaal.
Lees die volledige berig hier joynews.co.za.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
> Ondersteun asseblief Christen-media en -joernalistiek in Suid-Afrika. Help ons om die Woord van God te verkondig en standpunt in te neem vir die waarheid deur ’n skenking aan ons bediening te maak. Ons waardeer jou ondersteuning. Klik hier om hande te vat met JUIG! Tydskrif.
Datum gepubliseer: 18/03/2025
Foto slegs ter illustrasie. Kunswerke aangepas uit www.flickr.com
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
