Geskryf deur: Helga Matau
Artikelbron: JUIG! Tydskrif
In Junie 2014 is ek met stadium-een-borskanker gediagnoseer. Na ’n moeilike seisoen van chemoterapie en bestraling, is ek in Januarie 2015 kankervry verklaar. Op 16 November 2018 het ’n biopsie egter bevestig dat die kanker teruggekeer het. Dit het na stadium vier gevorder en van my bors na my dybeen gemetastaseer.
Vas fasiliteer outofagie
In 2021 was ek voorgestel aan profete Petrus en Kajal van PKV-Bedieninge. Hulle leringe en profetiese beradingsessies het my hoop gegee, aangesien hulle my genesing geprofeteer het. Ek het by hulle Zoom-werkswinkels en vassessies aangesluit en geleer dat vas ’n diep herstelproses, genaamd outofagie, ontsluit, wat siektes, insluitend kanker, genees.
God is die meestergeneesheer
God, in sy oneindige wysheid, het ons liggame ontwerp met ’n diep herstelproses vir genesing en instandhouding. Dit word bevestig in Jesaja 58:8, waar daar staan dat ons wonde vinnig sal genees wanneer ons vas. Wetenskap bevestig hierdie proses, wat outofagie genoem word. Dit beteken letterlik “self-eet”.
Wat is outofagie?
Outofagie is jou liggaam se manier om beskadigde selle skoon te maak en nuwe, gesonder selle te regenereer. Dink daaraan as jou liggaam se ingeboude skoonmaakspan, wat die taak het om enige selkomponente wat nie behoorlik funksioneer nie, te verwyder. Dit sluit nie net ou of ongesonde selle in nie, maar ook potensieel gevaarlike selle, soos kankerselle.
Voordele van outofagie
Outofagie help om byna enige iets in die liggaam te herstel deur:
• die derm- en spysverteringstelsel te genees;
• die risiko van chroniese siektes soos diabetes, artritis en asma te verminder;
• inflammasie te verminder;
• chroniese pyn te verlig;
• kanker en gewasse te verminder of te
genees; en
• beskerming teen brein- en kognitiewe
agteruitgang te bied.
Hoe om outofagie te aktiveer
Daar word geglo dat outofagie begin wanneer glukose- en insulienvlakke aansienlik daal. Dit beteken dit word die beste geaktiveer wanneer ons ophou om kalorieë en koolhidrate in te neem (aangesien dit die produksie van insulien verhoog). Om outofagie te verhoog vereis dus ‘n nulkalorie-vas. Dit is interessant om daarop te let dat die Bybel hierdie wetenskap bevestig deur in Jesaja 58:7 te noem dat ons ons kos met dié wat honger is moet deel wanneer ons vas, wat aandui dat ons nie kalorieë moet inneem nie, maar ons kos moet weggee.
Bemoedig deur die Woord
Nadat ek Petrus se wonderlike Zoom-leringe oor vas en genesing gevolg het, het hy ’n woord van wysheid met my gedeel en verduidelik dat omdat die siekte al lank in my liggaam was, dit tyd en herhaalde vas sou neem om heeltemal uitgespoel te word. Hy het my aangemoedig om nie hoop te verloor nie.
Die begin van ’n lang vas
Ek het in Mei 2021 ná Petrus en Kajal se vaswerkswinkel by ’n 40-dagvas aangesluit. Dit was moeilik, maar die belonings was die moeite werd. ’n Jaar later het ek weer die vas probeer. Ek kon nie nog 40 dae vas nie weens erge rugpyn (later gediagnoseer as kanker in beide sakro-iliakale gewrigte). Hierdie keer het ek dit vir 21 dae reggekry, maar tog hoopvol en optimisties gebly – onthou die profesie wat oor my lewe gespreek is.
Vertrou vir genesing
Die vas van 21 dae het ’n mate van genesing gebring: die suur smaak na die eet van suikerryke kosse het verdwyn, chroniese moegheid het verminder en erge beenpyn het afgeneem. In Oktober 2022 het my onkoloog my medikasie verander. Die tablette het my baie siek gemaak, so ek het aangehou om net die inspuitings te gebruik, met vertroue op my genesingsprofesie.
Genees, in die Naam van Jesus!
Petrus het die pad saam met my gestap en my aangeraai om elke Maandag en Dinsdag aan te hou vas, wat ek gedoen het. Hy het my ook aangemoedig om langer te vas. Ek het sterker en gesonder geword, met my toesighouers wat dikwels kommentaar gelewer het oor my goeie gesondheid. My immuunstelsel het versterk, en ek het nie meer seisoenale griep opgedoen nie. In April 2024 het ek vir my roetine-skandering gegaan. Aan God die eer – my genesing is vervolmaak. Die kanker is uitgewis in Jesus se Naam.
Begin die vasreis
Deur te vas kan jy jou liggaam se natuurlike vermoë benut om homself te genees en te herstel. Vir meer insigte, kyk na Petrus se boek, The Restoration of Fasting in the End Times, waar hy Skrif, wetenskap, praktiese raad en meer as 15 jaar se ervaring deel om jou te help om jou vasreis te begin. Kontak PKV-Bedieninge by info@pkvministries.co.za of 082 765 0700 vir meer inligting.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
> Ondersteun asseblief Christen-media en -joernalistiek in Suid-Afrika. Help ons om die Woord van God te verkondig en standpunt in te neem vir die waarheid deur ’n skenking aan ons bediening te maak. Ons waardeer jou ondersteuning. Klik hier om hande te vat met JUIG! Tydskrif.
Datum gepubliseer: 18/10/2024
Foto verskaf
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
