Geskryf deur: Daisy Luther Artikelbron: www.prophecynewswatch.com
Jy het dalk die term “BRICS” gehoor toe jy oor wêreldsake gelees het en gewonder waaroor dit gaan.
Terwyl ons toekyk hoe die Amerikaanse dollar en ekonomie sy mag verloor op die wêreldtoneel, kan
hierdie alliansie vinnig inbeweeg om daardie plek in te neem, veral as ander lande wat vroeër met
Amerika verbonde was, na hierdie blok oorbeweeg.
Volgens my is BRICS ’n alliasie op die globale speelterrein wat ons moet dophou, aangesien daar
verskeie groot ekonomiese moondhede betrokke is wat nie juis vriende van Amerika is nie. Sou
hierdie groep aanhou groei, is dit moontlik dat dit Amerika dramaties kan raak met betrekking tot
wêreldhandel.
Kom ons kyk ’n bietjie dieper daarna.
Wat is BRICS?
BRICS is ‘n ekonomiese alliansie wat sedert ongeveer 2001 bestaan. Jim O’Neill van Goldman Sachs
het die akroniem BRIC geskep om die oorspronklike lidlande te verteenwoordig: Brasilië, Rusland,
Indië en China. Teen 2010 is Suid-Afrika bygevoeg, wat die huidige akroniem meegebring het. O’Neill
het voorspel dat die oorspronklike vier nasies teen 2050 die oorheersende magte in die globale
ekonomie sou wees. Investopedia verduidelik:
Brasilië, Rusland, Indië, China en Suid-Afrika was jare lank onder die wêreld se opkomende
markekonomië wat die vinnigste gegroei het, danksy lae arbeidskoste, gunstige demografie en
oorvloedige natuurlike hulpbronne in ’n tyd van ’n wêreldwye kommoditeitsoplewing.
Dit is belangrik om daarop te let dat die Goldman Sachs-tesis nie gesê het dat hierdie lande ’n
politieke alliansie (soos die EU) of selfs ‘n formele handelsvereniging sou word nie. In plaas daarvan
het Goldman gesê dat hulle die potensiaal het om ’n kragtige ekonomiese blok te vorm en het selfs
erken dat sy voorspellings optimisties is en afhanklik is van beduidende beleidsaannames.
Tog was die implikasie dat ekonomiese mag politieke mag sou meebring en leiers van BRICS-lande
het inderdaad gereeld berade bygewoon en dikwels in ooreenstemming met mekaar se belange
opgetree.
Belangstelling het teen ongeveer 2015 in die BRICS-lande vervaag, volgens Investopedia, maar
beteken dit dat ’n mens hulle moet afskryf?
BRICS brei uit.
Amerika was etlike jare lank die primêre globale ekonomiese moondheid, maar aangesien sy ster ’n
bietjie minder helder skyn as gevolg van ekonomiese probleme, swak regeringsbestuur en swak
betrekkinge met verskeie ander lande, lyk BRICS gereed om die posisie in te neem wat Amerika
voorheen beklee het.
In 2015het die stigterslande d by hul sesde beraad die Nuwe Ontwikkelingsbank geskep, met ’n
geldeenheidpoel van 100 miljard USD en ’n bykomende reserwe van nog honderd miljard. Die lande
het ook ooreengekom om met mekaar saam te werk ten opsigte van krediet en innovasie.
Met die oorlog tussen Rusland en die Oekraïne, en spanning met China, lyk dit asof dinge regtig
begin versnel.
Watter lande is betrokke by BRICS?
Huidige lede van BRICS is steeds die oorspronklike lede.
Brasilië
Rusland
Indië
Sjina
Suid-Afrika
Maar … dit lyk asof die alliasie van plan is om uit te brei. Ander nasies is besig met ’n aansoekproses.
Verskeie lande het gevra om deel van die blok te word.
Die nasies wat formeel aansoek gedoen het om aanvaarding in die koöperasie is:
Algerië
Argentinië
Bahrein
Egipte
Indonesië
Iran
Saoedi-Arabië
Verenigde Arabiese Emirate
Boonop is belangstelling deur die volgende lande uitgespreek:
Afghanistan
Bangladesj
Wit-Rusland
Kasakstan
Mexiko
Nicaragua
Nigerië
Pakistan
Senegal
Soedan
Sirië
Thailand
Tunisië
Turkye
Uruguay
Venezuela
Zimbabwe
Die oorspronklike nasies vergader op 2 en 3 Junie in Suid-Afrika om uitbreiding te bespreek.
Hoekom is BRICS van belang?
Daar word nie veel hieroor in die nuus genoem nie, maar ek glo dat so ’n alliansie ’n baie
kommerwekkende teken is. Ek het al voorheen geskryf dat die dollar vinnig besig is om
internasionale vertroue en moontlik selfs petrodollar-status te verloor, en dit wil voorkom asof ‘n
groep soos hierdie gereed is om in daardie plek in te neem. Boonop is baie van hierdie nasies in die
eerste plek nie juis vriendelik teenoor Amerika nie. ’n Formele alliansie tussen lande soos China,
Rusland, Indië en Iran is kommerwekkend, veral omdat Amerika in die verlede streng sanksies
ingestel het.
Bloomberg het gesê hy verwag dat die groei van BRICS die ekonomiese verwagtinge van die G-7 sal
oortref, die ekonomiese groep waarvan Amerika die leier is, wat bestaan uit Amerika, Frankryk, die
Verenigde Koninkryk, Duitsland, Japan, Italië, en Kanada.
Lees die volledige berig by joynews.co.za
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 23/05/2023
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
