Geskryf deur: BGEA Artikelbron: harbingersdaily.com
Rakende die gebruik van televisie en radio om die Evangelie van Jesus Christus te verkondig, het Billy
Graham en Franklin Graham gewerk om oor die dekades heen so doeltreffend moontlik te wees.
Maar nou het Franklin Graham ’n ietwat ernstige waarskuwing aan die gerig wat hierdie mediums
gebruik om Goeie Nuus te versprei.
“Die storm kom waar ons van die radio en televisie en die internet af gaan wees,” het Graham gesê.
Tydens sy hoofrede van 29 minute in Orlando, Florida, het die evangelis voorbeelde gegee van die
uitdagings wat Christen-media in die gesig staar. Hy het ook raad gegee aan diegene wat
bekommerd is oor godsdiensvervolging in gebiede soos datasentrums, die bankwese en versekering.
“As jy nie die Evangelie gaan verkondig nie, het jy niks om oor bekommerd te wees nie. As jy nie oor
sonde gaan praat nie, gaan jy niks hê om oor bekommerd te wees nie; maar as jy die Evangelie gaan
verkondig, gaan hulle probeer om jou stil te maak.”
Franklin Graham het voorbeelde gedeel van die krag van media in sy vroeë bediening en hoe sy pa
dit so doeltreffend gebruik het. Maar te midde van staande ovasies, stories en lekker lag, het hy die
skare gewaarsku om voorbereid te wees, om nou al te begin dink aan ‘n wêreld waar dit volgens wet
strafbaar kan wees om volgens God se Woord te lewe.
“Jesus het vir ons gesê die wêreld haat [Hom] en hulle gaan jou haat,” het hy gesê. “As jy vir Christus
staan, gaan die wêreld jou haat.”
Behalwe vir die “komende storm”, was die hoofpunt wat hy wou tuisbring dat Christene die “die
Evangelie moet verkondig” so lank as wat menslik moontlik is – sonder voorbehoud.
“Preek die Evangelie,” het Graham gesê. “Gebruik jou radio, televisie, blogs, internet, om die Evangelie te kommunikeer.
“Daar is Heilige Gees-vervulde krag in die Evangelie. As jy vir iemand probeer vertel hulle is ‘n
sondaar, is dit aanstootlik vir party mense. Wanneer jy vir iemand sê dat Jesus Christus die weg, die
waarheid en die lewe is, en dat daar geen weg na die hemel of na God is behalwe deur Hom nie,
ervaar mense dit as ’n belediging.”
Die probleem met kulturele Christenskap, het hy bygevoeg, is dat mense te veel klem daarop lê om
ander nie aanstoot te gee nie. Die Evangelie gee aanstoot, maar dit beteken nie dat ons dit moet
afwater nie.
“Preek—moenie terugstaan nie, moenie verskonings maak nie. Paulus het gesê: ‘Ek skaam my nie
oor die Evangelie nie.’ … Moenie om verskoning vra vir die Evangelie nie – verklaar dit net, verkondig
dit net.”
En, die belangrikste, laat die resultate aan God oor.
“Hoe werk dit?” het hy gevra. “Ek het geen idee nie. Al wat ek weet is dat dit werk. As jy die
Evangelie verkondig en die uitnodiging rig, gaan iemand daarop reageer, maar dit moet duidelik
wees. Die Evangelie deurboor hulle hart.”
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 04/07/2023
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
