Home Nuus Die plaaslike kerk in Colombia ’n bron van hoop vir die gemeenskap

Die plaaslike kerk in Colombia ’n bron van hoop vir die gemeenskap

Pastoor Deivis woon sy hele lewe lank in Colosó, Colombia. Hy ken die area soos die palm van sy hand en is lief vir sy buurt. Terselfdertyd sien hy soveel uitdagings waarmee die gemeenskap worstel. Met die ondersteuning van Compassion werk hy elke dag om hoop in die lewens van meer as 300 kwesbare kinders en hul gesinne te bring. Compassion is ’n Christelike liefdadigheidsorganisasie wat daartoe verbind is om kinders uit die kringloop van armoede te help.

“Mense werk baie hard hier, maar dit is ‘n voortdurende stryd teen armoede,” sê Deivis. “Baie ouers kan nie ’n permanente werk kry nie en maak skaars genoeg om van te lewe.” Die uiterste inflasie wat deur die voedselkrisis veroorsaak word, het ook ’n uitwerking op die gemeenskap. Gevolglik sukkel baie gesinne om een maaltyd per dag te eet.

Een van hierdie gesinne is dié van Miguel en Daniris. Miguel werk as boer, maar weens prysstygings het die gesin nie genoeg om te eet nie. Hy sê: “Wanneer ek van die werk af kom en my kinders het nog nie geëet nie, sê hulle: ‘Pappa, ons is honger. Het jy iets gebring om te eet?’ As ek niks gebring het nie, voel ek baie hartseer. Dit breek my hart.”

“My missie om kwesbare kinders te help floreer,” verduidelik pastoor Deivis.

Daniris, Miguel se vrou, sê: “Ek glo dat die kerk ons kinders kan help. Ek hoop dat hulle ‘n beter toekoms sal hê en nie later dieselfde as ons hoef te ervaar nie.”

Compassion werk altyd nou saam met die plaaslike kerk. Die projekpersoneel ken die kinders en die omgewing waarin hulle grootword. Hulle weet waar die behoefte is en is dus in staat om toepaslike hulp te verskaf. So is die kerk ’n baken van hoop in al hoe meer gemeenskappe.

Klik hier om OP HOOGTE van die nuus te bly deur op ons GRATIS weeklikse nuusbrief in te teken.

> Ondersteun asseblief Christen-media en -joernalistiek in Suid-Afrika. Help ons om die Woord van God te verkondig en standpunt in te neem vir die waarheid deur ’n skenking aan ons bediening te maak. Ons waardeer jou ondersteuning. Klik hier om hande te vat met JUIG! Tydskrif.

Datum gepubliseer: 17/04/2024
Foto: YouTube skermskoot

VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.