Artikelbron: LifeSiteNews.com
Een van die baniere het gelui: “Dit is Pole, nie Brussel nie, niemand ondersteun aborsie nie,” in ‘n oënskynlike verwysing na ‘n resolusie wat deur die Europese Parlement aanvaar is wat eis dat aborsie by die EU-handves van fundamentele regte gevoeg word.
Bykans 50 000 Pole het onlangs die strate van Warskou ingevaar in een van die grootste pro-lewe-optogte in Pole se onlangse geskiedenis.
Die Optog vir Lewe in Pole se hoofstad het plaasgevind twee dae nadat die linkse Poolse regering gestem het oor wetsontwerpe wat poog om die land se byna algehele aborsieverbod te beëindig.
Volgens Notes from Poland het Bogusław Kiernicki, een van die organiseerders van die optog die skare aangesê om op Kasteelplein bymekaar te kom. “Ons wil hê dat elke Poolse burger die reg op lewe moet hê vanaf bevrugting tot natuurlike dood,” het hy gesê.
“Dit is nie ’n (daad van) genade dat ons toelaat dat ’n kind gebore word nie; dit is hul heilige reg,” het hy bygevoeg.
Die organiseerders skat dat 50 000 mense die geleentheid bygewoon het, wat dit die grootste pro-lewe-byeenkoms in Pole in die 21ste eeu maak.
“Ons sal nie die wit vlag hys nie, ongeag wat in die Sejm (laerhuis van die parlement) gebeur,” het Kiernicki gesê en bygevoeg: “Ons sal voortgaan totdat die regte van verwekte kinders gewaarborg is. Ons sal volgende jaar hier wees, en miskien oor ses maande weer, indien nodig.”
Talle optoggangers het wit-en-rooi Poolse vlae geswaai en pro-lewe-baniere omhoog gehou. Een van die baniere het gelui: “Dit is Pole, nie Brussel nie, niemand ondersteun aborsie nie,” in ‘n oënskynlike verwysing na ’n resolusie wat deur die Europese Parlement aanvaar is wat eis dat aborsie by die EU-handves van fundamentele regte gevoeg word.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
> Ondersteun asseblief Christen-media en -joernalistiek in Suid-Afrika. Help ons om die Woord van God te verkondig en standpunt in te neem vir die waarheid deur ’n skenking aan ons bediening te maak. Ons waardeer jou ondersteuning. Klik hier om hande te vat met JUIG! Tydskrif.
Datum gepubliseer: 03/05/2024
Foto: twitter.com
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
