Artikelbron: cvandaag.nl
Pastoor Yuri Sipko het ter nouer dood uit Rusland ontsnap nadat hy die Russiese inval in die Oekraïne gekritiseer het. Op 8 Augustus het ‘n Russiese arrestasiespan sy huis binnegegaan. Die Russiese staatstelevisie het die klopjag op die pastoor se huis regstreeks uitgesaai. Daar is ook op ’n evangeliese kerk toegeslaan. In ’n onderhoud met CBN News het Sipko gesê dat hy aangekla is omdat hy gesê het die oorlog teen Oekraïners is ’n misdaad en dat die dood van Oekraïners en die aanval van Oekraïnse stede ook ’n misdaad is.
“Ek het geweet dat ek in die moeilikheid sou beland omdat die Russiese regering wette geskep het wat mense wat die waarheid praat kan vervolg. Tog kon ek nie stilbly nie. Dit gaan oor my broers en susters in Christus. Moet dus nie stilbly nie. Die Russiese regering wil mense stilmaak sodat hulle net hul leuens kan versprei,” het hy in die onderhoud gesê.
Sipko is deur Russiese staatsmedia uitgebeeld as deel van die Amerikaanse propagandamasjien. Om Sipko se boosheid te beklemtoon, is selfs portrette van Hitler gewys wat na bewering tydens ‘n deursoeking van Sipko se huis gevind is.
Die pastoor skuil nou op ’n geheime plek ter wille van sy veiligheid.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 05/09/2023
Foto slegs ter illustrasie. Kunswerke aangepas uit
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
