Artikelbron: www.jubileecampaign.online
In verskeie Islamitiese lande staan al hoe meer Moslems die onderdrukking van Sharia-wetgewing teen en bekeer hulle tot die Christendom, ondanks van vervolging en intimidasie.
Ook in Bangladesj is daar al hoe meer Christene wat nie skaam is vir die Evangelie standpunt in te neem nie. Mandi De Kosta is ’n voorbeeld van so iemand. Ná sy bekering het hy ’n persoonlike transformasie ondergaan, maar moes ook ernstige intimidasie, diskriminasie en selfs doodsdreigemente trotseer. Hy is ’n verstoteling in sy gemeenskap en word selfs deur sy eie aanneemfamilie verwerp.
Buiten hierdie uitdagings is dit ook moeilik vir bekeerlinge in Bangladesj om amptelik hul godsdiensstatus te verander, wat tot komplekse situasies lei. Mandi ervaar daagliks gewelddadige aanvalle en druk om na Islam terug te keer.
In Bangladesj, soos in Pakistan, is dit byna onmoontlik om die outomatiese godsdiensstatus op amptelike dokumente te verander (almal se godsdiensstatus is van geboorte af outomaties Moslem). Mandi, ’n volwasse bekeerling, soek erkenning van sy nuwe identiteit as ’n Christen, maar loop hom telkens vas teen onwillige regeringsowerhede. Ondanks die regeringsamptenare se teenkanting, is Mandi vasbeslote om godsdiensvryheid en vryheid van uitdrukking te verdedig.
Jubilee Campaign, ’n organisasie wat toegewy is aan godsdiensvryheid, het sukses behaal in ’n ander land in die Midde-Ooste, waar die hooggeregshof ’n uitspraak gelewer het wat die formele posisie van Christene met ’n Moslem-agtergrond in die toekoms dramaties sal verander. Die organisasie beplan nou om Mandi in Bangladesj te ondersteun en regspraak te skep wat ook ander bekeerlinge sal help om formeel as Christene erken te word. Bid vir Mandi, sy prokureurs en aktiviste wat vir vervolgde Christene in Bangladesj werk.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 18/12/2023
Foto slegs ter illustrasie: unsplash.com
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
