Artikelbron: evangelicalfocus.com
Die Wêreld- Ekonomiese Forum (WEF) se jaarlikse konferensie het vanjaar ’n besinning ingesluit oor hoe godsdiens en spiritualiteit ’n verskil kan maak om oplossings vir die wêreld se “polikrisis” te vind. Die World Evangelical Alliance (WEA)was mede-outeur van die verslag wat tydens die 2024-byeenkoms in Davos gepubliseer is.
“Vir die grootste deel van die wêreld gaan godsdiens en spiritualiteit voort om hulle in te lig oor wat ’n goeie lewe behels en wat die beste manier is om die uitdagings wat gesinne, nasies en die wêreld in die gesig staar, te benader,” sê die verslag, “Faith in action”.
Dit is uitgereik deur die WEF by die byeenkoms in Davos (Switserland). Politieke en korporatiewe leiers moenie vergeet dat 85% van die wêreld se bevolking met ’n geloofstelsel identifiseer nie en daarom moet “betekenisvolle samewerking met geloofsrolspelers voorkeur geniet in ’n tyd van verdiepende polarisasie en wantroue in samelewings.”
Met die aanbieding van die verslag het Chris Elisara, een van die vier mede-outeurs en mededirekteur van die WEA se Volhoubaarheidsentrum, beklemtoon dat “talle geloofsorganisasies, insluitend baie evangeliese organisasies, baie innoverende projekte saam met besighede aanpak en dit maak ’n verskil. Ons hoop dat die gevallestudies wat gekies is, insigte en inspirasie sal verskaf wat sakeleiers en geloofsgebaseerde organisasies in staat sal stel om selfs ’n groter impak te maak.”
Die WEA se sekretaris-generaal, die Duitser Thomas Schirrmacher, het gesê hy hoop dat “meer vennootskappe tussen die sakesektor en evangeliese organisasies aangemoedig en bevorder kan word wat ’n uitwerking op globale krisisse kan hê”. Hy het bygevoeg: “Evangeliese Christene verstaan dat eties-gedrewe besigheid positief tot die samelewing kan bydra – en dit inderdaad reeds doen.”
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 25/02/2024
Foto slegs ter illustrasie. Kunswerke aangepas uit: freepik.com
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
 se jaarlikse konferensie het vanjaar ’n besinning ingesluit oor hoe godsdiens en spiritualiteit...){kind=link}