Artikelbron: premierchristian.news
’n Onderwyser by ’n Skotse skool is vir twee jaar uit die klaskamer verban nadat sy aanstootlike opmerkings gemaak het, insluitend dat Jesus gay was.
Donna Gilchrist, mag vir twee jaar nie onderwys gee nie nadat sy haar studente herhaaldelik tussen Desember 2017 en Januarie 2018 beledig het. Haar gedrag het aan die lig gekom toe sy kwetsende opmerkings oor Jesus gemaak het en studente met disleksie en vetsug gespot het.
Gilchrist het net 30 dae lank as onderwyser by Hoërskool Beath in Cowdenbeath, Skotland, gewerk. Ondanks die kort tydperk het sy studente, ouers en skoolpersoneel verskeie kere met haar kommentaar in die klas ontstel.
In Augustus is sy deur die General Teaching Council Scotland (GTC) van die onderwysregister geskrap omdat sy as ongeskik geag is om te onderrig. GTC-prokureur Jennifer McPhee het beklemtoon dat die bewerings teen Gilchrist baie ernstig is. Sy het byvoorbeeld ’n rassistiese skelwoord gebruik en aan ‘n Christen-student beweer dat “Jesus gay is.”
Gilchrist is ook daarvan beskuldig dat sy pornografie in die klas bespreek het en met oorgewig studente en ‘n student met disleksie gespot het terwyl hy lees. Sy het ook na bewering video’s wat vloekery en geweld bevat het, in die klas vertoon.
Die GTC het Gilchrist nou ’n onderrigverbod van twee jaar opgelê, wat beteken dat sy nie weer tot 2025 aansoek kan doen om op die onderwysersregister te wees nie.
Hoewel Gilchrist geen wette oortree het nie, is haar gedrag deur me McPhee as “onprofessioneel” bestempel.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 22/10/2023
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
