Artikelbron: evangelicalfocus.com
Sowat 60 000 mense het die Opwekking-konferensie bygewoon wat van 26 tot 29 Mei in die Nederlandse stad, Biddinghuize, gehou is om Pinkster te vier.
Dit is die 53ste viering van hierdie byeenkoms wat ook aanlyn gevolg kon word. Meer as 330 000 mense het dit regstreeks op die internet gevolg. Gratis besigtiging van die dienste en meeste van die seminare sal tot 1 September 2023 beskikbaar wees.
Die konferensie is in die Nederlandse stad Biddinghuize gehou. (Opwekking)
“Ons loop oor van dankbaarheid. Ons is oorweldig deur die groot aantal besoekers, die positiewe en goeie atmosfeer en merkbare eenheid met soveel mense uit verskillende agtergronde”, het Ruben Flach, die besturende direkteur van die konferensie, gesê.
Hy het beklemtoon dat “baie mense hulle eerste of nuwe ontmoeting met Jesus gehad het. Baie is deur die Heilige Gees aangeraak en het die liefde van God gesmaak. Daarom organiseer ons elke jaar hierdie konferensie: ons begeerte is dat mense vertroud raak met wie Jesus is en die kragtige werk van die Heilige Gees ervaar.”
Dit is die 53ste viering van hierdie byeenkoms. (Opwekking)
Die tema van vanjaar se Opwekking was ‘Maar ons sien Jesus’, gebaseer op Hebreërs 2:9.
“Dit verwys na die feit dat Jesus ons voorafgegaan het in die plan wat God vir ons het. Alhoewel ons steeds die gebrokenheid as gevolg van die sondeval in ons eie lewens en in die wêreld sien, kry ons, wanneer ons Jesus sien, ’n suiwer perspektief op die lewe, ander en onsself,” het die organiseerders verduidelik.
Musiek is een van die grootste trekpleisters van Opwekking. Die aanbidding is vanjaar gelei deur die groep InSalvation saam met Eline, Sarah Ben Hamida, Charlotte Jordaan en Sander en Angela Nijbroek.
Duisende het die Saterdagmiddagkonsert bygewoon. (Opwekking)
Nog ’n tradisie van die Opwekking is die insameling van fondse vir sendingprojekte en bedieninge, soos die evangelisasie-inisiatief Alpha Nederland, die hulpnetwerk GAiN, en vele ander.
Vanjaar het hulle ‘n rekordbedrag van 1 011 101 euro behaal. Verder het die kinders 1 279 euro ingesamel, wat aan die Children’s Village of Heart for Haiti gegee sal word.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 14/06/2023
Foto: Ongeveer 60 000 mense het die Opwekking-konferensie bygewoon. (Foto’s: Opwekking)
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
