Artikelbron: standingforfreedom.com
Die Amerikaanse basketbalspeler, Jonathan Isaac, is die eerste NBA-speler wat ’n skoen met sigbare Bybelverse daarop bekend gestel het. Op die agterkant van die skoene is Bybeltekste soos 2 Korintiërs 4:9 en Romeine 8:37. (Die skoen kom in verskillende kleuropsies, elkeen met ‘n ander Bybelvers daarop.)
Die NBA-ster sê sy sportskoene laat Christene toe om hul oortuigings en waardes te dra en aan God se voortdurende teenwoordigheid herinner te word.
‘Die meeste mense het “Juda 1” as ’n bisarre onderneming beskou. Toe ons aanvanklik begin het, was ek ook bang dat dit te veel van ’n uitdaging sou wees om ’n tekkie te skep wat ons waardes verteenwoordig sonder om styl of prestasie in te boet. Maar hier is hulle: die eerste basketbaltekkies met sigbare Bybelverse,” het die 26-jarige basketbalspeler verlede week op X geskryf.
“Ek het Bybelverse gekies wat vir my persoonlik belangrik is en iets sê oor my reis en wie ek as individu is,” gaan Isaac voort. 2 Korintiërs 4:9 sê: “In alles word ons verdruk, maar ons is nie terneergedruk nie … vervolg, maar nie verlate nie; neergewerp, maar nie vernietig nie.” Romeine 8:37 sê: “Maar in al hierdie dinge is ons meer as oorwinnaars deur Hom wat vir ons liefhet.”
Die oranje skoene het Spreuke 28:1 daarop: “Die goddelose hardloop weg al jaag niemand hom nie; die regverdiges het die moed van ‘n leeu.” “Ek doen my bes om daarvolgens te lewe,” het Isaac gesê.
Die skoen se naam, Judah 1, het spesifieke betekenis vir Isaac. “My Christelike geloof is die hoeksteen van my lewe en my middelste naam is Judah.
In ‘n promosievideo sê Isaac sy idee met die tekkies was om ander aan te moedig om “moedig te lewe”, wat hy sien as “opstaan vir dit waarin jy glo.”
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 30/11/2023
Foto: YouTube-skermskoot
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
