Artikelbron: premierchristian.news
Kan prins William die eerste Britse koninklike in vyf eeue word wat amptelike bande met die Kerk van Engeland verbreek? Dit is die bewering wat gemaak word in ’n nuwe biografie oor koning Charles, deur die bekroonde koninklike skrywer Robert Hardman.
Die Daily Mail beweer dat daar volgens Hardman reeds gepraat word oor of William die titel van Oppergoewerneur van die Kerk van Engeland sal aanneem wanneer hy uiteindelik die troon betree. Die titel is deur Henry VIII geskep toe hy sy koninkryk in 1531 van Rome gedistansieer het nadat die pous geweier het om hom toe te laat om van sy eerste vrou te skei.
Die koning was sedertdien hoof van die Kerk van Engeland, maar die godsdienstige landskap van Brittanje het die afgelope paar jaar dramaties verander. Hardman sê dat hoewel die prins die Kerk bewonder en respekteer, en dit geniet om dienste op belangrike tye van die jaar soos Kersfees en Paasfeesby te woon, is hy volgens die skrywer nie ’n “gewone aanbidder” nie.
Volgens die Daily Mail sê Hardman oor William: “In koninklike kringe is dit geen geheim dat hy nie die koning se sin vir die geestelike deel nie, wat nog te sê die oorlede koningin se onwrikbare toewyding aan die Anglikaanse kerk.”
In die laaste jare van haar lewe het die toegewyde Christelike geloof van sy ouma, koningin Elizabeth II, ’n toenemend dominante kenmerk van haar toesprake op Kersdag geword. Wyle koningin Elizabeth het weekliks die kerk bygewoon en was bekend daarvoor dat sy dikwels deur ’n sydeur by haar plaaslike kerk in Balmoral ingesluip het, weg van die kameras, bloot om te bid.
Die koerant haal ’n senior paleisfiguur aan en onthul die volgende oor die prins: “Hy respekteer die kerklike instellings, maar hy is nie gemaklik in ’n geloofsomgewing nie.”
William het volgens Hardman reeds aangedui dat hy wil hê dat sy eie kroning korter, “meer diskreet” en minder “geestelik” moet wees.
Klik hier om OP HOOGTE van die nuus te bly deur op ons GRATIS weeklikse nuusbrief in te teken.
Datum gepubliseer: 23/01/2024
Foto slegs ter illustrasie. Kunswerk aangepas vanaf picryl.com
VRYWARING
JUIG! Nuus is ’n Christen-nuusportaal wat vooraf gepubliseerde artikels deur skrywers van oral in die wêreld beskikbaar stel. Die skakel en oorspronklike bron van elke artikel word verskaf en die skrywer van elke artikel word ook aangedui (waar moontlik). Hoewel ons ook baie van ons eie artikels publiseer wat deur JUIG! se eie joernaliste geskryf is, skep ons nie uitsluitlik ons eie inhoud nie. Enige sienings of menings wat op hierdie webtuiste verskyn, is uitsluitlik dié van die skrywer en verteenwoordig nie noodwendig dié van die maatskappy nie.
