‘David’: Die Bybelse animasie van geloof, moed en reuse

Artikelbron: Verskaf

• SA-animasie-ateljee vervaardig epiese Bybelse rolprent
• Rolverdeling sluit Grammy-wenners en -genomineerdes in, wat sing op ’n musikale partituur deur Joseph Trapanese (The Greatest Showman)
• Meer as vier miljoen kyke op die lokprentteaser op YouTube en reeds meer as $4,5 miljoen in voorafverkope
• Het sy eie “Dawid teen Goliat”-vervaardigingsverhaal, geskep in Kaapstad

Die vrolike geanimeerde musiekrolprent David, vervaardig in Kaapstad, het pas sy amptelike lokprent bekendgestel. Die film word op Vrydag 19 Desember 2025 wyd in teaters in Suid-Afrika en die VSA vrygestel.

Wanneer die reus Goliat opstaan om ’n nasie te bedreig, tree ’n jong skaapwagter vorentoe, gewapen met net ’n slingervel, ’n paar klippies en ’n onwrikbare geloof.

“Dawid is een van die mees inspirerende figure in die geskiedenis: ’n kryger, digter, skaapwagter en koning,” sê skepper Phil Cunningham, ’n Zimbabwiër wat nou in Kaapstad woon. “As jy moed nodig het om die reuse in jou lewe te takel, bring jou gesin saam om David hierdie Desember te kom kyk.”

Grammy-genomineerde Phil Wickham vertolk die volwasse Dawid, met Brandon Engman en Young Artist Award-wenner Sloan Lucas Muldown wat hul rolle uit Young David herhaal. Die rolverdeling sluit ook Grammy-wenner Lauren Daigle, bekroonde Israeliese sangeres Miri Mesika, en tweemalige BAFTA-genomineerde Asim Chaudhry (People Just Do Nothing, The Sandman) in. Almal sing op die oorspronklike musiekpartituur deur Joseph Trapanese (The Greatest Showman).

Die teaser-lokprent het reeds meer as vier miljoen kyke op YouTube gehad, en die film het reeds meer as $4,5 miljoen in voorafverkope gegenereer.

“Die maak van hierdie geanimeerde epos is op sigself ’n Dawid teen Goliat-storie,” sê Brent Dawes (Jungle Beat: The Movie), mederegisseur saam met Phil.

Daardie verhaal het meer as 20 jaar gelede begin toe Phil die bekroonde The Legend of the Sky Kingdom geskryf en uitvoerend vervaardig het – Afrika se eerste geanimeerde rolprent, geheel en al uit herwinde materiaal vervaardig. In die twee dekades sedertdien het hy Sunrise Animation Studios opgebou tot ’n êreldspeler, met byna sewe miljard kyke op hul Jungle Beat-YouTube-kanaal alleen.

Sunrise het David meestal vanuit hul ateljee in Noordhoek, Kaapstad geanimeer, met meer as 400 plaaslike en internasionale bemanningslede, sommige intern en ander op afstand. Legendariese Pixar-storiekunstenaar Nathan Stanton (Brave, Finding Dory) was die assisterende regisseur, terwyl die animasieregisseur Dan Barker, ’n Suid-Afrikaner wat nou in die VSA woon, was. Hy het aan Oscar-wenfilms soos Big Hero 6 gewerk.

Ander Suid-Afrikaners in sleutelrolle sluit in: uitvoerende vervaardiger Jacqui Cunningham, vervaardigers Tim Keller en Rita Mbanga, mede-skrywer Sam Wilson, en produksieontwerper Lynton Levengood. “Toe ons Sunrise opgebou het en hierdie rolprent gemaak het, het ek soveel keer gevoel soos Dawid teen Goliat,” sê Phil. “Hierdie is ’n verhaal wat ek oor en oor vir inspirasie teruggebring het. Ek wou die kragtige boodskap van geloof en moed na ’n nuwe geslag bring – en animasie is op die oomblik die sterkste manier om hulle te bereik. Ek kan nie wag dat gesinne David saam op die groot doek geniet nie, en weer die vreugde van flieks en die krag van Bybelse stories herontdek nie.”

Die uiteindelike “underdog”-verhaal, David, word in die VSA deur Angel Studios versprei. Hul vorige animasie, The King of Kings, het volgens Angel die grootste openingsnaweek in die VSA vir ’n Bybelse animasie ooit gehad, selfs groter as die Oscar-wenner The Prince of Egypt.

Angel het filmfinansiering herontwerp deur Hollywood se poortwagters te omseil en alledaagse ondersteuners – die Angel Guild – te bemagtig om self te besluit watter rolprente en TV-reekse vervaardig en versprei moet word. Die Angel Guild se graderings vir David was die hoogste nog, terwyl voorafverkope ’n nuwe rekord gestel het.

Angel bied tans ’n skarebefondsingsveldtog aan om een miljoen kinders in staat te stel om David gratis te kyk. Jy kan deel word daarvan deur ’n kaartjie vir ’n Suid-Afrikaanse kind te borg.

Soos Angel Studios se medestigter en uitvoerende hoof Neal Harmon sê: “Ek is nie seker of daar al ooit ’n geloofsvriendelike rolprent was wat só mooi en van só ’n hoë produksiegehalte is nie.”

Laai gratis inkleurprente vir kinders vir die vakansie hier af.

Bespreek vroegtydig by Ster-Kinekor of Nu Metro.

Vir meer inligting, besoek die amptelike webwerf.

Nota aan redakteurs
Laai hoëresolusie-beelde, kunswerke, lokprente en produksienotas hier af: angel.com/press/david

Bykomende hulpbronne: angelstudios.notion.site/creative-resources-for-david

Oor Angel Studios
Angel Studios (NYSE: ANGX) is ’n media- en tegnologiemaatskappy wat deur 1,6 miljoen betalende Angel Guild-lede gedryf word. Hulle ondersteun waardegedrewe stories en bepaal watter rolprente en TV-reekse vervaardig en versprei word. Met hierdie gehoor-gesentreerde benadering het Angel reeds meer as 40 rolprente en 20 TV-reekse vrygestel wat lig uitdra, insluitend Sound of Freedom, wat meer as $250 miljoen wêreldwyd gemaak het. Hulle Dry Bar Comedy-franchise het reeds meer as ses miljard kyke. Vir meer inligting, besoek www.angel.com.

Suidelike Afrika Bioskooplys
Empire Entertainment versprei David in Suider-Afrika. Dit sal vanaf Vrydag 19 Desember 2025 in die volgende teaters wys:

 Kaapstad

• Blue Route (Ster-Kinekor)
• Canal Walk (Nu Metro)
• Cape Gate (Ster-Kinekor)
• N1 City (Ster-Kinekor)
• Somerset (Ster-Kinekor)
• Tyger Valley (Ster-Kinekor)
• V&A Waterfront (Ster-Kinekor)
• Westgate (Nu Metro)

 Gauteng

• Carnival City (Ster-Kinekor)
• Clearwater Mall (Nu Metro)
• Cradlestone (Ster-Kinekor)
• Cresta (Ster-Kinekor)
• Eastgate (Ster-Kinekor)
• Fourways (Ster-Kinekor)
• Hyde Park (Nu Metro)
• Irene Mall (Ster-Kinekor)
• Menlyn Park (Nu Metro)
• Montecasino (Movies@Montecasino)
• Sandton (Ster-Kinekor)
• The Glen (Nu Metro)
• The Grove Mall (Ster-Kinekor)
• The Zone Rosebank (Ster-Kinekor)
• Wonderpark (Ster-Kinekor)

 Tuinroete

• Garden Route Mall (Ster-Kinekor)
• Road House Cinema at Whale Coast (onafhanklike teater in Hermanus)

 Gqeberha

• Baywest (Ster-Kinekor)

 KZN

• Ballito (Nu Metro)
• Midlands (CineCentre)
• Shelly Beach (Ster-Kinekor)
• Suncoast (CineCentre)
• The Pavilion (Nu Metro)

Oos-Afrika

• Century Pictures-teaters in Kenia, Tanzanië en Uganda

 Namibië

• Atlanta (onafhanklike teater in Swakopmund)
• The Grove Mall Namibia (Ster-Kinekor)

 Zimbabwe

• Road House at Sam Levy